મુંબઇ: સમગ્ર દુનિયા કોરોના વાઇરસ સામે યુદ્ધ લડી રહી છે, ત્યારે આ યુદ્ધમાં બોલિવૂડ સેલિબ્રિટીઓ પણ ફાળો આપી રહ્યાં છે. ફિલ્મમેકર કરણ જોહર અને ઝોયા અખ્તર ફોર્મ-હોમ કોન્સર્ટનું આયોજન કરી રહ્યાં છે. આ મોટા કાર્યક્રમમાં બોલિવૂડ સિવાય અન્ય ઘણા વિદેશી સ્ટાર્સ પણ સામેલ છે.
'આઈ ફોર ઈન્ડિયા' નામ અતર્ગત ફિલ્મ જગતના લોકો એકઠા થઈને ઘણાં વિવિધ પરફોર્મન્સ આપશે. આ માટે ફિલ્મ સ્ટાર્સે લોકોને તેમના સોશ્યિલ મીડિયા એકાઉન્ટ દ્વારા તેમાં જોડાવા અપીલ કરી છે. પોતાના ઇન્સ્ટાગ્રામ એકાઉન્ટ પર વીડિયો શેર કરતી વખતે અક્ષયે ડોનેટ બટનને ક્લિક કરવાની વિનંતી કરી છે. કરીના કપૂર ખાને ઈન્સ્ટાગ્રામ પર સૈફ સાથેની એક તસવીર શેર કરી છે. તેમણે લોકોને કોન્સર્ટમાં જોડાવા અને ઈન્ડિયા કોવિડ-19 રિસ્પોન્સ ફંડની સ્થાપના માટે દાન આપવા વિનંતી કરી હતી. કરીનાએ લખ્યું કે, 'મારા ઘરમાંથી તમારા માટે'.
ભૂમિ પેડનેકરે ઈન્સ્ટાગ્રામ પર એક તસ્વીર શેર કરી છે. જેમાં તે એક પ્લેકાર્ડ પકડેલી જોવા મળે છે. જેમાં લખ્યું છે કે, 'હું ભારત માટે છું.'