લોકડાઉન દરમિયાન અમેરિકીઓની આ બૉલીવુડ ફિલ્મ છે પહેલી પસંદ...

કોરોના વાઈરસની ગંભીર બિમારીને કારણે મોટા ભાગના દેશોમાં લોકડાઉનની સ્થિતિ છે. એવામાં લોકો કુકિંગ, ગેમ રમી અને ફિલ્મ જોઈ સમય પસાર કરી રહ્યાં છે. અમેરિકામાં લોકડાઉન દરમિયાન ' 3 ઈડિયટ્સ' ફિલ્મ ખુબ જોવાઈ રહી છે. જો બૉલીવુડ માટે ગર્વની વાત છે.

મુંબઈઃ કોરોના વાઈરસને કારણે લોકડાઉનમાં લોકો રમત રમી અને ફિલ્મ જોવામાં સમય પસાર કરી રહ્યાં છે. એવામાં આમિર ખાનની ફિલ્મ '3 ઈડિયટ્સ' ચર્ચામાં આવી છે.

આમિર ખાનની આ ફિલ્મને દેશમાં જ નહી વિદેશમાં પણ એટલો પ્રેમ મળ્યો છે. અમેરિકામાં લોકડાઉન દરમિયાન આમિરની ફિલ્મ 3 ઈ઼ડિયટ્સને ખુબ જ પસંદ કરવામાં આવી રહી છે. ચીન બાદ હવે અમેરિકામાં આ ફિલ્મની ભારે ચર્ચા થઈ રહી છે. અમેરિકમાં લોકડાઉન દરમિયાન આ ફિલ્મ સૌથી વધુ જોવામાં આવી છે.

અમેરિકામાં ફિલ્મની ચર્ચાથી ફિલ્મના નિર્દેશક રાજકુમાર હિરાની ખૂબ જ ખુશ છે. તેમણે કહ્યું કે મને જાણી આનંદ થયો કે દશક પહેલા બનાવાયેલી ફિલમને આજે પણ એટલો જ પ્રેમ મળી રહ્યો છે, દર્શકો ફિલ્મને પંસદ કરી તેનો દિલથી સ્વીકાર કરી રહ્યાં છે.

મહત્વનું છે કે આ ફિલ્મનો 'ઓલ ઈઝ વેલ' ડાયલૉગ ખુબ જ હિટ થયો હતો. આ ફિલ્મમાં આમિર ખાન, કરીના કપુર, શરમન જોશી, માધવન અને બમન ઈરાની જેવા કલાકારો છે. ફિલ્મ 2009માં રિલીઝ થઈ હતી.