નવી દિલ્હીઃ હવે મેટા પણ ટ્વિટરના રસ્તે ચાલવા જઈ રહી છે. ફેસબુક અને ઇન્સ્ટાગ્રામની કંપની મેટાના વડા માર્ક ઝકરબર્ગે આની જાહેરાત કરી છે. તેણે કહ્યું છે કે હવે ફેસબુક અને ઈન્સ્ટાગ્રામના યુઝર્સ પણ પૈસા ચૂકવીને પોતાનું એકાઉન્ટ વેરિફાઈ કરાવી શકશે. હકીકતમાં, થોડા સમય પહેલા, ટ્વિટરના વડા એલોન મસ્કએ બ્લુ ટિક એટલે કે વેરિફાઈડ હેન્ડલની સુવિધા પર ફી લગાવી હતી.
એકાઉન્ટ ઓફિશિયલ આઈડી હેઠળ વેરિફાઈ કરવામાં આવશે: મેટાના CEO માર્ક ઝેકરબર્ગે ફેસબુક પર માહિતી શેર કરી છે. પોસ્ટમાં લખ્યું છે કે 'અમે ફેસબુક અને ઈન્સ્ટાગ્રામ માટે મેટા વેરિફાઈડ સર્વિસનું ટેસ્ટિંગ શરૂ કરી રહ્યા છીએ. આ ફીચર હેઠળ તમારું એકાઉન્ટ ઓફિશિયલ આઈડી હેઠળ વેરિફાઈ કરવામાં આવશે. આ સાથે તમારી પહોંચ પણ વધશે. તે મેટા ટેસ્ટિંગના રૂપમાં ઓસ્ટ્રેલિયા અને ન્યુઝીલેન્ડથી શરૂ થઈ રહ્યું છે. કંપનીએ આશા વ્યક્ત કરી છે કે, ટૂંક સમયમાં મેટા વેરિફિકેશન ફીચર આખી દુનિયામાં લાવવામાં આવશે.
આ પણ વાંચો:WhatsApp New Feature : હવે વોટ્સએપથી થશે આંખની તપાસ, જાણો કેવી રીતે