આણંદ શહેર આમ તો દૂધ નગરી તરીકે ઓળખાય છે. પણ છેલ્લા 24 કલાકમાં આ શહેરમાં ગુનેગારો બેફામ બની ગયા છે. શુક્રવારની રાત્રીએ આણંદ જુના બસ સ્ટેન્ડ વિસ્તારમાં આવેલા મેલડી માતાના મંદિર પાસે જાહેરમાં પોઈન્ટ બ્લેન્ક રેંજ પિસ્ટોલથી એક યુવકની હત્યા થતાં સમગ્ર આણંદ શહેરમાં ચર્ચાઓ થઈ હતી.
વાત જાણે એમ છે કે, જુના બસ સ્ટેન્ડ નજીક આવેલ મેલડી માતા મંદિર પાસે આવેલી ઝુંપડપટ્ટીમાં રહેતા સંજય શીવાભાઈ સોલંકી (દેવીપુજક) છુટક કપડાની ફેરી કરવાનો વ્યવસાય કરતો હતો. જયારે તેનું ફેમેલી રેલ્વે સ્ટેશન પાસે દાબેલીની લારી બહાર પાણી વેચવાનો વ્યવસાય કરે છે. મૃતક સંજયને આણંદના ખૂંખાર આરોપી ઇલ્યાસ મચ્છી સાથે થોડા સમય પહેલા નાણાંની લેતીદેતી મામલે ઝગડો થયો હતો. જેને પગલે શુક્રવારની મોડી રાત્રે ઇલ્યાસ મચ્છી એકટીવા લઇ મેલડી માતા ઝુંપડપટ્ટીએ પહોચી સંજયને બોલાવી તેની સાથે વાતચીત કરતો હતો.
આણંદમાં ફાયરિંગ એક યુવકને ઉતાર્યો મોતને ઘાટ, આરોપી ફરાર તે જ સમયે અચાનક સંજય કઈ પણ વિચારે તે પહેલા જ ઇલ્યાસ મચ્છીએ પોતાની પાસે રહેલી 7.65 MM પોઈન્ટ બ્લેન્ક રેંજ પિસ્ટલથી સંજય પર ફાયરીંગ કરી ફરાર થઇ ગયો હતો. ઉલ્લેખનીય છે કે, સંજયના 7 વર્ષ પહેલા જ લગ્ન થયા હતા. તો પોતે ત્રણ બાળકોના પિતા સંજયના ભાઈનું એક મહિના પહેલા જ હાર્ટ એટેકથી અવસાન થયું હતું. અચાનક એક જ મહિનામાં બે-બે પુત્રોના મોતથી સંજયના પરિવારની સ્થિતિ દયનીય બની જવા પામી છે.
સંજયની જાહેરમાં ફાયરીંગ કરી હત્યા કરનાર આરોપી ઇલ્યાસ મચ્છી ગુનાહિત ઈતિહાસ ધરાવે છે. અગાઉ પણ વિદેશી દારૂની હેરાફેરી, હથિયારોની હેરાફેરીમાં અવારનવાર જેલ યાત્રા કરી ચુકેલો છે. જો કે હાલ તો આણંદ સીટી પોલીસ દ્વારા ઘટના સ્થળેથી ફૂટેલા કારતુસનું ખોખું, ઘટના સ્થળ પર જે જગ્યા પર લોહી પડ્યું હતું. તે માટી FSLમાં મોકલી આપી છે. તો સમગ્ર મામલાની તપાસ આણંદ ડીવીઝનના નાયબ પોલીસ અધિક્ષક દ્વારા કરવામાં આવી રહી છે. આ સાથે જ આરોપીને ઝડપી પાડવાની કવાયત હાથ ધરવામાં આવી છે.
