બેઈજિંગ: હિંદ મહાસાગરમાં ચીનની એક માછીમારી બોટ ડૂબી ગઈ છે. આ બોટમાં સવાર તમામ 39 ક્રૂ મેમ્બર્સ લાપતા છે. આ અંગેના સમાચાર આપતા ચીનના સત્તાવાર મીડિયાએ જણાવ્યું છે કે બોટ ડૂબવાની આ ઘટના મંગળવારે વહેલી સવારે 3 વાગ્યે બની હતી. 'CCTV' ચેનલે જણાવ્યું કે ક્રૂમાં ચીનના 17, ઈન્ડોનેશિયાના 17 અને ફિલિપાઈન્સના 5 લોકો સામેલ છે. ચેનલે કહ્યું કે હજુ સુધી એક પણ ગુમ વ્યક્તિ વિશે કોઈ માહિતી મળી નથી અને બોટ ડૂબવા પાછળનું કારણ પણ જાણી શકાયું નથી. બચી ગયેલા લોકોની શોધમાં મદદ કરવા વિદેશના રાજદ્વારીઓને આદેશ આપ્યો છે.
Chinese Fishing Boat: હિંદ મહાસાગરમાં ચીનની માછીમારીની બોટ ડૂબી, 39 લોકો ગુમ, બચાવ કામગીરી તેજ - બચાવ કામગીરી તેજ
ચીનના નેતા શી જિનપિંગે હિંદ મહાસાગરમાં બોટ પલટી જવાથી 24 કલાકથી વધુ સમય વીતી જતા ચાઈનીઝ ફિશિંગ બોટ પર સવાર 39 લોકો ગુમ થયા બાદ બચી ગયેલા લોકોની શોધમાં મદદ કરવા વિદેશના રાજદ્વારીઓને આદેશ આપ્યો છે.
Reports say 39 missing after Chinese fishing boat capsizes in Indian Ocean
ઘણા દેશોની બચાવ ટુકડીઓ ઘટના સ્થળે દોડી આવી: ચીનના નેતા શી જિનપિંગ અને પ્રીમિયર લી કેકિયાંગે વિદેશમાં તૈનાત ચીની રાજદ્વારીઓ તેમજ કૃષિ અને પરિવહન મંત્રાલયોને બચી ગયેલાઓની શોધમાં મદદ કરવા આદેશ આપ્યો. 'Lupenglaiyuanyu No. 8' નામનું આ જહાજ પેંગલેઈંગ્યુ કંપની લિમિટેડ દ્વારા સંચાલિત હતું અને તે પૂર્વીય પ્રાંત શેનડોંગના દરિયાઈ ક્ષેત્રમાં કાર્યરત હતું. સીસીટીવીએ અહેવાલ આપ્યો છે કે ઑસ્ટ્રેલિયા અને અન્ય કેટલાક દેશોની શોધ અને બચાવ ટીમો ઘટનાસ્થળે પહોંચી છે અને ચીને ઓપરેશનમાં મદદ કરવા માટે બે જહાજો તૈનાત કર્યા છે.
ચાઇના સૌથી મોટો માછીમારીનો કાફલો ચલાવે છે: લુપેનગ્લાઇયુઆન્યુ નંબર 8 બોટ પૂર્વીય પ્રાંત શેનડોંગમાં હતી, જેનું સંચાલન પેન્ગ્લાઇઇંગ્યુ કંપની લિમિટેડ દ્વારા કરવામાં આવી રહ્યું હતું. માનવામાં આવે છે કે ચીન વિશ્વનો સૌથી મોટો માછીમારી કાફલો ચલાવે છે. તેમાંથી ઘણા મહિનાઓ કે વર્ષો સુધી દરિયામાં રહે છે. તેમને ચીનની રાજ્યની દરિયાઈ સુરક્ષા એજન્સીઓ અને જહાજોના વ્યાપક નેટવર્ક દ્વારા મદદ કરવામાં આવે છે.