ચીનમાં કોરોનાનો પ્રકોપઃ સંક્રમિત દર્દીઓનો રેકોર્ડ તુટ્યો, લોકો થયા ઘરમાં કેદ

ચીનમાં આ દિવસોમાં કોરોનાએ હાહાકાર મચાવ્યો છે. ચીનમાં બે વર્ષ બાદ કોવિડ -19 સંક્રમણના 16,412 થી વધુ નવા કેસ નોંધાયા છે. ચીનમાં નવા વેરિઅન્ટના કેસ સામે આવ્યા છે, કોરોના વાયરસનું આ વેરિઅન્ટ અન્ય કોઈપણ વેરિઅન્ટ સાથે મેળ ખાતું નથી.

ન્યૂઝ ડેસ્ક : ચીનમાં બુધવારે કોરોનાના 20,000 થી વધુ નવા કેસ નોંધાયા છે. મહામારી શરૂ થયો ત્યારથી એક જ દિવસમાં નોંધાયેલા દૈનિક કેસોની હાલની સૌથી વધુ સંખ્યા છે. શાંઘાઈમાં લોકડાઉન હોવા છતાં કેસ સતત વધી રહ્યા છે. જેના કારણે ચિંતા વધી છે.

કોરોના મહામારીની ઝપેટમાં ચીન : કોરોનાને કારણે ચીનમાં સ્થિતિ દિવસેને દિવસે ખરાબ થઈ રહી છે. અહીં 27 થી વધુ પ્રાંતો કોરોના મહામારીની ઝપેટમાં આવી ગયા છે. છેલ્લા 24 કલાકમાં દેશમાં કોરોનાના 16,412 નવા કેસની પુષ્ટિ થઈ છે. જે લગભગ બે વર્ષ પહેલા પ્રથમ લહેરની ટોચ પછી સૌથી વધુ છે. શાંઘાઈમાં એક દિવસમાં રેકોર્ડ 8,581 કેસ નોંધાયા છે. એક ખૂબ જ ખતરનાક ઓમિક્રોન પ્રકાર દેશના ઘણા પ્રાંતોમાં ફેલાઈ ગયો છે, જેના કારણે લોકોમાં ગભરાટનો માહોલ છે.

લોકોને ઘરમાં જ રહેવા આદેશ : ઉલ્લેખનીય છે કે, 28 માર્ચે શહેરમાં બે તબક્કાનું લોકડાઉન શરૂ થયું હતું. આ દરમિયાન લોકોને ઘરમાં જ રહેવા માટે કહેવામાં આવી રહ્યું છે. બહાર નીકળનારાઓ સામે કાયદેસરની કાર્યવાહી કરવામાં આવી રહી છે. એટલું જ નહીં, શહેરમાં આર્થિક ગતિવિધિઓ સંપૂર્ણપણે ઠપ થઈ ગઈ છે. વિદેશમાં નિકાસ થતા માલનો સપ્લાય બંધ કરી દેવામાં આવ્યો છે.

ચીનના શાંઘાઈમાં દર્દીઓથી ભરેલી હોસ્પિટલઃસ્થિતિ એટલી ખરાબ થઈ ગઈ છે કે, શાંઘાઈની કોઈપણ હોસ્પિટલમાં કોરોના સંક્રમિત દર્દીઓને દાખલ કરવા માટે જગ્યા બચી નથી. આમ છતાં ચીનનો દાવો છે કે, શાંઘાઈમાં અત્યાર સુધી કોરોના સંક્રમણથી કોઈનું મોત થયું નથી.