રિયાધઃ વિશ્વનો સૌથી કટ્ટરપંથી મુસ્લિમ દેશ ગણાતો સાઉદી અરેબિયા હવે પોતાની છબી બદલવા આતુર છે. ક્રાઉન પ્રિન્સ મોહમ્મદ બિન સલમાનના શાસન હેઠળ, આ દેશ ઓર્થોડોક્સ સામ્રાજ્યમાંથી બહાર નીકળી રહ્યો છે. છેલ્લા કેટલાક વર્ષોમાં ત્યાંની સરકારે ઘણા પ્રગતિશીલ નિર્ણયો લીધા છે. હવે સૌથી તાજેતરનું ઉદાહરણ રેવ પાર્ટી (Rave Party)અને મ્યુઝિક ફેસ્ટિવલનું સંગઠન(Organizing a music festival ) છે, જેમાં પુરુષોની સાથે મહિલાઓએ પણ વેસ્ટર્ન આઉટફિટ્સમાં (Women danced with men )ભાગ લીધો હતો. સાઉદી સરકારનો આ એવો નિર્ણય છે જેની પાંચ વર્ષ પહેલા સુધી કલ્પના પણ નહોતી કરી શકાતી.
ચાર દિવસીય મ્યુઝિકલ ફેસ્ટિવલનું આયોજન
મીડિયા રિપોર્ટ્સ અનુસાર, (MDLBEAST Soundstorm) નામના આ ચાર દિવસીય મ્યુઝિકલ ફેસ્ટિવલનું આયોજન(Organizing a music festival ) સાઉદી સરકારના સમર્થનથી કરવામાં આવ્યું હતું. પાર્ટીમાં સામેલ લોકોએ સંગીતના તાલે ડાન્સ કર્યો જાણે તેઓ ઈસ્લામિક દેશ સાઉદી અરેબિયામાં નહીં પણ યુરોપમાં હોય. ટાયસ્ટો અને આર્મીન વાન બ્યુરેન જેવા પ્રખ્યાત ડીજે પણ પાર્ટીમાં હાજરી આપી હતી. આયોજકોનું કહેવું છે કે પાર્ટીમાં 180,000 થી વધુ લોકોએ હાજરી આપી હતી.
કાર્યક્રમ દરમિયાન ધાર્મિક માન્યતાઓનું પાલન કરવામાં આવ્યું
આ સમગ્ર કાર્યક્રમ દરમિયાન ધાર્મિક માન્યતાઓનું પાલન કરવામાં આવ્યું હતું. પાર્ટી દરમિયાન થોડીવાર માટે સંગીત બંધ થઈ ગયું અને લોકો ઈસ્લામિક રીતે નમાજમાં સામેલ થઈ ગયા, ત્યારબાદ આખો વિસ્તાર જોરદાર સંગીતના અવાજથી ગુંજી ઉઠ્યો. પાર્ટીમાં હાજરી આપનાર રાજવી પરિવારના સભ્ય પ્રિન્સ ફહદ અલ સઉદે કહ્યું કે અમે આંતરરાષ્ટ્રીય સમુદાયનો ભાગ બનવા માટે ખૂબ જ ઉત્સુક છીએ. જ્યારે આપણે પ્રગતિ કરવાનો પ્રયાસ કરીએ છીએ ત્યારે આપણે દબાવી શકાતા નથી.