- ઇજિપ્તની રાજધાની કાહિરમાં 10 માળની ઇમારત ધરાશાયી
- ઇમારત ધરાશાયી થતાં 18 લોકોનાં મોત નિપજ્યાં
- બચાવકર્તા અલ-સલામમાં મકાનના કાટમાળમાં ફસાયેલા લોકોને શોધી રહ્યા
કાહિર : ઇજિપ્તની રાજધાની કાહિરમાં શનિવારે વહેલી સવારે 10 માળની ઇમારત ધરાશાયી થતાં 18 લોકોનાં મોત નિપજ્યાં હતાં. એક અધિકારી પાસેથી મળતી માહિતી અનુસાર, આ દુ:ખદ અકસ્માતમાં આશરે 25 અન્ય લોકો ઘાયલ થયા છે. કાહિર સરકારના વહીવટી વડા, ખાલિદ અબ્દુલ-અલએ જણાવ્યું કે, બચાવકર્તા અલ-સલામમાં મકાનના કાટમાળમાં ફસાયેલા લોકોને શોધી રહ્યા છે.
કાટમાળ દૂર કરવા માટે બુલડોઝરનો ઉપયોગ કરાયો
ઇજાગ્રસ્તોને હોસ્પિટલમાં દાખલ કરવામાં આવ્યા છે. પોલીસે આ વિસ્તારને ઘેરી લીધો છે. તે જ સમયે, લોકો કાટમાળમાં તેમના પરિચિતોને શોધી રહ્યા છે. કર્મચારીઓ કાટમાળ દૂર કરવા માટે બુલડોઝરનો ઉપયોગ કરતા જોવા મળ્યા હતા. અબ્દુલ-અલએ કહ્યું કે, મકાન ધરાશાયી થવા પાછળનું કારણ જાણી શકાયું નહિ. સરકારે તાજેતરમાં દેશભરમાં ગેરકાયદેસર બાંધકામો વિરુદ્ધ કાર્યવાહી શરૂ કરી છે અને ઉલ્લંઘન કરનારાઓને જેલમાં મોકલી દેવાયા છે. સરકારે ઘણા કેસોમાં મકાનો તોડી પાડવાની પણ શરૂઆત કરી છે.
આ પણ વાંચો : ગુરુગ્રામમાં દ્વારકા એક્સપ્રેસ વે પર બની રહેલા ફ્લાયઓવરનો સ્લેબ ધરાશાયી, 3 ઈજાગ્રસ્ત