મોસ્કો : ભારત અને ચીની સૈનિકો વચ્ચે હિંસક અથડામણ બાદ બંને દેશોમાં વધી રહેલા તણાવ વચ્ચે ગલવાન ખીણમાં 15 જૂને આ સંમેલન યોજાયું હતું. 20 ભારતીય સૈન્ય જવાનોની શહાદત બાદ પ્રદેશમાં અસ્થિરતાના વાતાવરણને પગલે આ ક્ષેત્રમાં તણાવ વધુ તીવ્ર બન્યો હતો.
ભારત-ચીન વચ્ચેના વિવાદમાં મધ્યસ્થતા માટે રશિયાએ કર્યો ઇનકાર - ભારત - ચીન વચ્ચે અથડામણ
ગલવાન ખીણમાં ભારત અને ચીની સૈનિકો વચ્ચે થયેલી હિંસક અથડામણ બાદ રશિયાએ મંગળવારે બંને દેશો વચ્ચે મધ્યસ્થતા કરવાનો ઇનકાર કર્યો હતો. તેણે કહ્યું કે, બંને દેશોને તેમના વિવાદો ઉકેલવા માટે કોઈ સહાયની જરૂર નથી. રશિયાના વિદેશ પ્રધાન સર્ગેઇ લાવરોવનો આ નિવેદન રશિયા, ભારત અને ચીનના વિદેશ પ્રધાનોની ડિજિટલ પરિષદ બાદ આવી છે. સંમેલનમાં વિદેશ પ્રધાન એસ જયશંકર અને ચીનના વિદેશ પ્રધાન વાંગ યી પણ ઉપસ્થિત હતા.
ભારત - ચીન વચ્ચેના વિવાદમાં રશિયાનો મધ્યસ્થતાથી ઇન્કાર
લાવરોવે કહ્યું કે, "મને નથી લાગતું કે, ભારત અને ચીનને કોઈ પણ પ્રકારની સહાયની જરૂર છે, ખાસ કરીને સરહદ વિવાદના નિરાકરણમાં બન્ને દેશોને કોઇ સહાયની જરૂર નથી." તેમણ જણાવ્યું કે, સરહદ પર આ બનાવની જાણ થતાં જ સ્થળ પર હાજર સૈન્ય કમાન્ડ અને વિદેશ પ્રધાનો વચ્ચેનો સંપર્ક ફરીથી સ્થાપિત થયો હતો અને એક બેઠક યોજવામાં આવી હતી.
તેમણે વધુમાં કહ્યું કે , ભારત અને ચીને તેમના સરહદ વિવાદના શાંતિપૂર્ણ નિરાકરણમાં કોઈપણ તૃતીય પક્ષની ભૂમિકાને નકારી છે. રશિયાના બંને દેશો સાથે સારા સંબંધો છે. ગત સપ્તાહે રશિયાએ આ અથડામણ પર ચિંતા વ્યક્ત કરી હતી પરંતુ આશા છે કે, બન્ને દેશો આ વિવાદનો ઉકેલ પોતે શોધી શકે છે.