દુનિયાભરમાં કોરોનાએ મચાવ્યો હાહાકાર, અત્યાર સુધીમાં 2.34 લાખથી વધુ લોકોના મોત

કોરોના વૈશ્વિક મહામારીનું રૂપ લીધું છે. એક તરફ વાઇરસના પ્રકોપથી માણસનું જીવન જોખમમાં મૂકાયું છે, તો બીજી તરફ દુનિયાની અર્થવ્યવસ્થા પણ સુસ્ત બની છે. બધી જ વસ્તુ ઠપ્પ થઇ છે. જો કે, વૈજ્ઞાનિક અને ડૉકટર્સ આ વાઇરસની રસીની શોધ કરી રહ્યા છે. ત્યાં રુસમાં કોરોના સંક્રમિત દર્દીઓની સંખ્યા એક લાખને પાર પહોંચી છે, જે ચિંતાજનક સ્થિતિ છે.

વૉશિંગ્ટનઃ કોરોના વાઇરસે સમગ્ર વિશ્વમાં હાહાકાર મચાવ્યો છે. વિશ્વના મોટાભાગના દેશોમાં ફેલાયેલા કોરોના વાઇરસનો પ્રકોપ ઓછું થવાનું નામ લેતો નથી.

આ જીવલેણ વાઇરસથી દુનિયાભરમાં અત્યાર સુધીમાં 2 લાખ 34 હજાર 112 લોકોના મોત થયા છે, જ્યારે લગભગ 33 લાખ 8 હજાર 548 લોકો તેનાથી સંક્રમિત થયા છે.

Global COVID-19 tracker

આ વાઇરસથી અત્યાર સુધીમાં 10 લાખ 42 હજાર 953 લોકો સ્વસ્થ થયા છે. પુરા વિશ્વમાં કોરોનાના 2,031,480 એક્ટિવ કેસ છે.

કોરોનાને લઇને સૌથી ગંભીર સ્થિતિ અમેરિકા, ઇટલી અને સ્પેન, બ્રિટેનમાં છે.

અમેરિકામાં કોરોના વાઇરસના સંક્રમણથી અત્યાર સુધીમાં 63,861 લોકોના મોત થયા છે. જ્યારે કોરોનાથી અત્યાર સુધીમાં 187 નવા કેસ સામે આવ્યા છે. અમેરિકામાં સંક્રમિત દર્દીઓની સંખ્યા 10 લાખ 95 હજાર 210 છે, તો દેશમાં એક્ટિવ કેસ 875,612 છે.

રુસમાં કોરોના સંક્રમણના કેસો ખૂબ જ વધી ગયા છે. વર્લ્ડોમીટરના આંકડા અનુસાર અહીં સંક્રમિતોની સંખ્યા 1 લાખ 6 હજાર 498 પહોંચી છે. જો કે, અહીં મોતના આંકડા અન્ય દેશોની સરખામણીએ ઓછા છે. રુસમાં કોવિડ 19થી મૃત્યુ પામનારા લોકોની સંખ્યા 1 હજાર 73 છે.

હવે વાત કરીએ ફ્રાન્સની તો અહીં કોરોનાના દર્દીઓની સંખ્યા 167,178 છે. જ્યારે મૃતકોની સંખ્યા 24,376 થઇ છે.

જર્મનીમાં કોરોનાને કારણે અત્યાર સુધીમાં 6,623 લોકોના મોત થયા છે. અહીં સંક્રમિતોની સંખ્યા 163,009 છે.

વૈશ્વિક મહામારી કોરોના વાઇરસથી સૌથી વધુ પ્રભાવિત ઇટલી થયું છે. અહીં સંક્રમણથી મૃત્યુ પામનારાની સંખ્યા 27 હજારનો આંકડો પાર કરી ચૂકી છે, જ્યારે સંક્રમિત દર્દીઓની સંખ્યા 205,463 છે.

સ્પેનમાં તેનાથી મરનારા લોકોની સંખ્યા વધીને 24,543 થઇ છે. ત્યારે સંક્રમિત દર્દીઓની સંખ્યા 239,639 છે.

બ્રિટેનમાં કોરોનાથી મૃત્યુ પામનારા લોકોની સંખ્યા 26,771 છે. ત્યારે સંક્રમિતોની સંખ્યા 171,253 છે.

બાકી અન્ય દેશોમાં પણ કોરોના વાઇરસનો કહેર યથાવત છે.