બાંગ્લાદેશ મેડિકલ કૉલેજમાં ભારતીય વિદ્યાર્થીનીનું મૃત્યુ, મૃતદેહ ઢાકાથી રવાના

ઢાકાઃ બાંગ્લાદેશમાં જમ્મુ-કાશ્મીરની એક યુવતીને એટેક આવવાથી મૃત્યુ થયું છે. આ યુવતી બાંગ્લાદેશની એક મેડિકલ કોલેજમાં MBBSનો અભ્યાસ કરતી હતી. ભારતીય યુવતીના મૃતદેહને એક વિમાન દ્વારા ઢાકાથી ભારત લાવવામાં આવશે.

એક બાંગ્લાદેશી ન્યુઝ ચેનલ મુંજબ, બાંગ્લાદેશના ગાજીપુર જિલ્લામાં તૈરૂન્નેસા મેમોરિયલ મેડિકલ કોલેજ (TMMC)ની હોસ્ટેલમાં એટેક આવવાથી એક ભારતીય યુવતીનું મૃત્યું થયું છે.

આ યુવતી જમ્મુ-કાશ્મીરના અનંતનાગ જિલ્લાની રહેવાસી હતી. યુવતીનું નામ કુરતુલ આઈન બતાવવામાં આવે છે. તેણી MBBSના ચોથા વર્ષમાં અભ્યાસ કરતી હતી.

આ અંગે બાંગ્લાદેશમાં આવેલ હાય કમિશને રવિવારે કહ્યું કે, કુરતલના પરિવારજનો પ્રતિ અમારી સહાનુભૂતિ છે. એયર ઈન્ડિયાના એક વિમાન AI 229 તેમનો મૃતદેહ લઈને રવાના થયેલ છે.

આ અંગે વિદેશ પ્રધાન સુષમા સ્વરાજે ટ્વીટને જણાવ્યું છે કે, કુરતુલ આઈનના પરિવારજનો સાથે વાતચિત કરવામાં આવી રહી છે.