કલમ 370 નાબુદ કરવાના નિર્ણયને અમેરિકાનું સમર્થન, કાશ્મીરની પરિસ્થિતિ પર દર્શાવી ચિંતા

વાશિન્ગટન: ટ્રમ્પ પ્રશાસને જમ્મૂ કાશ્મીરને લઇને નિવેદન આપ્યું છે. તેમણે કહ્યું કે,તેઓ કાશ્મીરથી કલમ 370 હટાવવાના નિર્ણનો સમર્થન કરે છે.પરતું કાશ્મીરની પરિસ્થિતિને લઈને ચિંતા પણ વ્યક્ત કરે છે. જમ્મુ-કાશ્મીરમાંથી કલમ 370 હટાવ્યાના બે મહિનાથી વધુ સમય થઇ ગયો છે. પાકિસ્તાન દ્વારા આ મુદ્દાને સતત દુનિયાના કેટલાંય મંચ પર ઉઠાવાયો છે, પરંતુ આ મુદ્દાને ભારતની વિરૂદ્ધ ઉઠાવવામાં નિષ્ફળ રહ્યું છે. હવે અમેરિકાએ ફરી એક વખત કલમ 370 પર ભારતનું સમર્થન કર્યું છે, ટ્રમ્પ પ્રશાસનની તરફથી કહ્યું છે કે ભારત દ્વારા જમ્મુ-કાશ્મીર પર જે નિર્ણય કરાયો છે તે તેનું સમર્થન કરે છે. જો કે અમેરિકાની તરફથી જમ્મુ-કાશ્મીર પર લગાવેલ પ્રતિબંધો પર ચિંતા વ્યકત કરી છે.

અમેરિકાના વિદેશ મંત્રાલયના દક્ષિણ એશિયા ડિપાર્ટમેન્ટના આસિસ્ટન્ટ સેક્રેટરી એલિસ વેલ્સની તરફથી કહ્યું છે કે ભારતે તેની પાછળ તર્ક આપ્યો છે કે, આનાથી જમ્મુ-કાશ્મીરમાં વિકાસની રફતાર વધશે, સાથે સાથે કેટલાંય કાયદાઓને લાગૂ કરી શકાશે. તેમણે વધુમાં કહ્યું કે તેઓ સતત આ નિર્ણય પર નજર રાખી રહ્યા છે.

અમેરિકા આ સ્થિતિ પર નજર રાખી રહ્યું છે. જો કે અમારી એ પણ આશા છે કે અત્યારે જે પર પ્રતિબંધો મૂકયા છે તે ટૂંક સમયમાં જ ખતમ થઈ જશે. તેમણે કહ્યું કે ભારતે તમામ નિર્ણય માનવાધિકારના આધાર પર લેવા જોઇએ. ટૂંક સમયમાં જ ઇન્ટરનેટ અને ફોન સુવિધાને શરૂ કરવી જોઇએ.