- બેલારુસિયન પત્રકારની ધરપકડ આંતરરાષ્ટ્રીય નિયમોનું સીધું ઉલ્લંઘન
- બેલારુસ દ્વારા વ્યાપારી ફ્લાઇટ્સનું દબાણપૂર્વકનું ડાયવર્ઝન
- US વિશ્વના દેશોની સાથે પત્રકારની મુક્તિ માટે હાકલ કરે છે
વૉશિંગ્ટન: વ્હાઇટ હાઉસ દ્વારા જારી કરાયેલા એક નિવેદનમાં રાષ્ટ્રપતિ બાઇડને જણાવ્યું છે કે, બેલારુસ દ્વારા વ્યાપારી ફ્લાઇટ્સનું દબાણપૂર્વકનું ડાયવર્ઝન અને ત્યારબાદ વિદેશ પ્રવાસ કરતા બેલારુસિયન પત્રકારની ધરપકડ આંતરરાષ્ટ્રીય નિયમોનું સીધું ઉલ્લંઘન છે.
બાઇડને કહ્યું, તે પત્રકાર પ્રતાસેવિચની ધરપકડની કડક નિંદા કરે છે
બાઇડને કહ્યું કે, US વિમાનના ડાયવર્ઝન અને ત્યારબાદ પત્રકાર પ્રતાસેવિચની ધરપકડની કડક નિંદા કરે છે. આ એક અપમાનજનક ઘટના છે અને પ્રતાસેવિચની વીડિયો જોતાં રાજકીય મતભેદ અને પ્રેસની સ્વતંત્રતા બંને પર શરમજનક હુમલો લાગે છે. બાઇડને નિવેદનમાં કહ્યું છે કે, US વિશ્વના દેશોની સાથે પત્રકારની મુક્તિ માટે હાકલ કરે છે. તે જ સમયે અમે બેલારુસ સરકાર દ્વારા અન્યાયી રીતે અટકાયતમાં લેવામાં આવેલા સેંકડો રાજકીય કેદીઓને મુક્ત કરવાની માગ કરીએ છીએ. બાઇડને સમગ્ર મામલાની આંતરરાષ્ટ્રીય તપાસની પણ માગ કરી હતી.
આ પણ વાંચો:અમેરિકા ચૂંટણીઃ જૉ બાઇડને વ્હાઇટ હાઉસની રેસ જીતી, કમલા હેરિસ બનશે ઉપરાષ્ટ્રપતિ
બેલારુસના લોકો લાંબા સમયથી સરકાર વિરુદ્ધ અવાજ ઉભો કરે છે
બાઇડને યુરોપિયન યુનિયનના આર્થિક પ્રતિબંધો અને બેલારુસ પર લાદવામાં આવેલા અન્ય પગલાઓના કોલને ટેકો આપ્યો હતો. બાઇડને કહ્યું કે, તેમણે તેમની ટીમને યુરોપિયન યુનિયન, અન્ય સાથીઓ અને ભાગીદારો અને આંતરરાષ્ટ્રીય સંગઠનો સાથે સંકલનમાં જવાબદાર લોકોને રાખવા માટે યોગ્ય વિકલ્પો વિકસાવવા જણાવ્યું છે. બેલારુસના લોકો લાંબા સમયથી સરકાર વિરુદ્ધ અવાજ ઉભો કરે છે અને લોકશાહીની પુન: સ્થાપના, માનવાધિકાર માટે આદર અને મૂળભૂત સ્વતંત્રતાઓના રક્ષણની માગ કરી રહ્યા છે.
આ પણ વાંચો:અમેરિકા ચૂંટણીઃ જૉ બાઇડને વ્હાઇટ હાઉસની રેસ જીતી, કમલા બનશે ઉપરાષ્ટ્રપતિ
પત્રકાર પ્રતાસેવિચની એરપોર્ટ પરથી ધરપકડ કરવામાં આવી
વ્હાઇટ હાઉસ દ્વારા જારી કરાયેલા એક નિવેદનમાં બાઇડને કહ્યું હતું કે, "રમણ પ્રતાસેવિચ જેવા પત્રકારો અને સ્વિટલાના શિખનૌસકાયા અને તેમના પતિ જેવા વિપક્ષી નેતાઓ સહિત મૂળભૂત અધિકાર માટે લડનારા બેલારુસિયનના હિંમત અને નિશ્ચયની હું પ્રશંસા કરું છું." અમેરિકા તેમના સંઘર્ષમાં બેલારુસના લોકોની સાથે ઉભા રહેશે. અહેવાલો અનુસાર રૈનાયરની ફ્લાઇટ પત્રકાર રમણ પ્રતાસેવિચ અને અન્ય 122 મુસાફરોને લઈને રવિવારે લિથુનીયા બોર્ડરથી છ માઇલ દૂર હતી ત્યારે તેને બોમ્બનો ખતરો નડ્યો હતો. બેલારુસના રાષ્ટ્રપતિ એલેક્ઝાંડર લુકાશેન્કોએ વ્યક્તિગત રીતે ફ્લાઇટને બેલારુસની વાપસી સાથે લડાકુ વિમાન સાથે જવાનો આદેશ આપ્યો હતો. બેલારુસિયન ગૃહ મંત્રાલયના જણાવ્યા અનુસાર પત્રકાર પ્રતાસેવિચની એરપોર્ટ પરથી ધરપકડ કરવામાં આવી હતી.
