વોશિંગ્ટન: અમેરિકાના રાષ્ટ્રપતિ ડોનાલ્ડ ટ્રમ્પે નવેમ્બરમાં રાષ્ટ્રપતિની ચૂંટણીઓને કથિત છેતરપિંડી અંગેની ચિંતાઓને કારણે મોકૂફ કરવાના તેમના સૂચનને તરત જ પાછો ખેંચી લીધો છે. તેમને આ મુદ્દે ટોચના રિપબ્લિકન નેતાઓનો ટેકો મળ્યો નથી.
અમેરિકામાં રાષ્ટ્રપતિની ચૂંટણી નવેમ્બરમાં યોજાવાની છે. બીજી ટર્મ માટેના ટ્રમ્પ ડેમોક્રેટિક પ્રત્યાશી અને ભૂતપૂર્વ ઉપરાષ્ટ્રપતિ જો બાઇડેન સામે લડતનો સામનો કરી રહ્યા છે, જે ચૂંટણી પૂર્વેના ઘણા મોટા સર્વેક્ષણોમાં ટ્રમ્પ કરતા આગળ આવી રહ્યા છે.
અમેરિકામાં, નવેમ્બર મહિનામાં પ્રથમ સોમવાર પછી મંગળવારે રાષ્ટ્રપતિ પદની ચૂંટણીની તારીખ કાયદેસર રીતે નક્કી કરવામાં આવે છે.
ટ્રમ્પે ગુરુવારે પ્રથમ વખત નવેમ્બરમાં યોજાનારી રાષ્ટ્રપતિની ચૂંટણીઓ સ્થગિત કરવાની ખુલ્લેઆમ વાત કરી હતી. તેમણે પોસ્ટલ વોટમાં ગડબડની આશંકા વ્યક્ત કરી હતી. વિરોધી ડેમોક્રેટિક પાર્ટીના નેતાઓએ તરત જ તેમના સૂચનની ટીકા કરી. ટ્રમ્પને પણ આ મુદ્દે તેમની પોતાની રિપબ્લિકન પાર્ટીના નેતાઓનો ટેકો મળ્યો નથી.
બાદમાં ટ્રમ્પે તેમનો સૂચન પાછું ખેંચી લીધું. જ્યારે ચૂંટણીને મોકૂફ રાખવાનું સૂચન કરતા ટ્વિટ વિશે પૂછવામાં આવ્યું ત્યારે તેમણે પત્રકારોને કહ્યું, 'હું વિલંબ કરવા માંગતો નથી. મને ચૂંટણી જોઈએ છે પરંતુ હું એ પણ જાણતો નથી કે ત્રણ મહિના રાહ જોયા પછી પણ મતદાનનો કોઈ અર્થ નથી.
