- 'બિહાર ઝારખંડ ઍસોસિએશન ઑફ નૉર્થ અમેરિકા' એ દાન અંગે જાહેરાત કરી
- દાનનો ઉપયોગ રાજ્યોના ગ્રામીણ વિસ્તારોની આરોગ્ય સેવા માટે કરવામાં આવશે
- BJANAના પ્રમુખ અવિનાશ ગુપ્તાએ રમેશ અને કલ્પના ભાટિયાનો દાન માટે આભાર માન્યો
વૉશિંગ્ટન: ભારતીય-અમેરિકન દંપતીએ બિહાર અને ઝારખંડમાં આરોગ્યલક્ષી સેવાઓ માટે 1 કરોડ રૂપિયાનું દાન આપ્યું છે. 'બિહાર ઝારખંડ ઍસોસિએશન ઑફ નૉર્થ અમેરિકા' (BJANA) એ સોમવારે આ જાહેરાત કરી હતી. 'રમેશ અને કલ્પના ભાટિયા ફેમિલી ફાઉન્ડેશન' દ્વારા BJANAને આપવામાં આવેલા આ 1,50,000 ડૉલરનો ઉપયોગ બંને રાજ્યોના ગ્રામીણ વિસ્તારોની આરોગ્ય સેવા માટે કરવામાં આવશે.
આ પણ વાંચો:આઝાદી પછી પ્રથમ વખત આ ગામમાં આવી આરોગ્ય સેવા
'પ્રાન' એ ભારતીય-અમેરિકન ડૉકટરોની એક સરાહનીય પહેલ
'પ્રવાસી એલ્યુમની નિ:શુલ્ક' (પ્રાન) એ બિહાર અને ઝારખંડમાં કામ કરતા ભારતીય-અમેરિકન ડૉકટરોની એક પહેલ છે. આ ડૉકટરોએ રાંચીમાં પ્રાન ક્લિનિક પણ ખોલ્યું છે. જ્યાં, જરૂરીયાતમંદો, વંચિત અને નબળા વર્ગને નિ:શુલ્ક આરોગ્ય સેવાઓ પૂરી પાડે છે.
આ પણ વાંચો:જાહેર આરોગ્ય સેવા માટે બજેટના પૈસા ક્યાં વાપર્યા તેનો રાજ્ય સરકાર જવાબ આપે: હાઈકોર્ટ
રમેશ અને કલ્પના ભાટિયાનો દાન માટે આભાર
BJANAના પ્રમુખ અવિનાશ ગુપ્તાએ રમેશ અને કલ્પના ભાટિયાનો દાન માટે આભાર માન્યો હતો. FIAના ભૂતપૂર્વ પ્રમુખ આલોક કુમારે એમ પણ કહ્યું હતું કે, આ દાનથી BJANAને આરોગ્ય સેવા ક્ષેત્રે કામ કરવામાં મદદ મળી શકશે. ભાટિયા પટના સ્થિત NITમાં અભ્યાસ કર્યો છે અને તે ટેક્સસમાં સફળતાપૂર્વક પોતાનો ધંધો ચલાવી રહ્યા છે.
