કાબુલ એરપોર્ટની દિવાલ પાર કરનાર અને વાયરલ થયેલી તસ્વીરના બાળકનું પાછળથી શું થયું...

અફઘાનિસ્તાન પર તાલિબાને કબ્જો કર્યા બાદ દેશ છોડવાનો એક જ રસ્તો બચ્યો હતો. રાજધાની કાબુલ એરપોર્ટનો. લોકો જેમ તેમ કરીને પોતાનો જીવ બચાવવા ભાગી રહ્યા હતા. ત્યારે આવા સમયે એરપોર્ટ પરથી એવી કેટલીય તસ્વીરો સામે આવી હતી, જેમાં લાચાર અને બેબસ લોકો પોતાનો જીવ બચાવતા જોવા મળ્યા હતા, તેમાંની એક તસ્વીરમાં માસૂમ બાળક પણ હતો. તેની તસ્વીર પણ ખૂબ વાયરલ થઈ હતી. જેને કાંટાળી દિવાલ પાર કરીને અમેરિકી સૈનિકોને સોંપવામાં આવી રહ્યો હતો.

• તાલીબાનોથી બચવા લોકોએ બાળકોને સૈનિકોને સોંપયા
• બીમીર બાળકને દિવાલ પાર કરાવી
• બાળક સારવાર માતા પિતાને પરત કરાયો

કાબુલ: કાબુલ એરપોર્ટ પર દીવાલ પરથી પસાર થયેલો બાળક તેના પરિવારને પરત મળી ગયો છે, આ મહિતી એક વરિષ્ઠ અમેરિકી અધિકારીએ આપી હતી.એક અહેવાલ મુજબ, તાલિબાનીઓતી બચવા માટે લોકો પોતાના બાળકોને બાળકોને અમેરિકી સૈનિકોને સોંપવા લાગ્યા હતા.જેમાં એક દિવાલ પાર કરેલો બાળક તેના પરિવારને ફરી પરત મળી આવ્યો છે.

કાબુલ એરપોર્ટ

સોશિયલ મીડિયા પર વીડિયો થયો વાઇરલ

એક વીડિયોમાં બતાવવામાં આવ્યું હતું કે, એક યુએસ સૈનિક એક બાળકને એક હાથથી પકડીને તેને દિવાલ પાર કરાવી રહ્યો છે. એક પત્રકાર પરિષદમાં કિર્બીએ કહ્યું, તમે જે વીડિયોની વાત કરી રહ્યા છો તેમાં માતાપિતાએ સૈનિકોને બાળકની સંભાળ રાખવા કહ્યું હતું, કારણ કે બાળક બીમાર હતું, તેથી તેને દિવાલ પાર કરાવીને નજીકની હોસ્પિટલમાં લઇ જવામાં આવ્યો હતું જે એરપોર્ટ નજીક જ છે. બાળકની સારવાર થયા બાદ તેને તેના માતા પિતાને પરત આપવામાં આવ્યું હતું.તેમણે કહ્યું કે તેઓ યુએસ જવાનો દ્વારા અફઘાન બાળકોને લેવામાં આવતા માત્ર એક જ ઘટનાથી વાકેફ છે અને તેને કરુણાનું કૃત્ય ગણાવ્યું છે, કારણ કે બાળક વિશે ચિંતા હતી.

આ પણ વાંચો : તાલિબાને 150 લોકોનું કર્યું અપહરણ, મોટાભાગના ભારતીયો: સૂત્રો

બાળકોને મોકલી રહ્યા હતા લોકો

કાબુલ એરપોર્ટની 18 ફૂટ લાંબી દિવાલ પર અમેરિકી સૈનિક તૈનાત રહ્યા હતા જે રેસ્ક્યુ ઓપરેશન દરમિયાન ભીડ પર કાબૂ કરી રહ્યા હતા. આ તમામની વચ્ચે તસ્વીર સામે આવી હતી, જેમાં સૈનિકોના હાથમાં બાળકને સોંપવામાં આવે છે. એવી કેટલીય ખબરો આવી હતી કે, એરપોર્ટ પર ફસાયેલો લોકો બાળકોને નાટો સૈનિકોના હવાલે કરી રહ્યા હતા. લોકોનું કહેવું છે કે, જો અમેરિકી અથવા નાટો સૈનિકો અમને લઈ જઈ શકતા નથી, તો અમારા બાળકોને લઈ જાવ.

આ પણ વાંચો :જાણો અફઘાનિસ્તાનમાં અમેરિકાએ શું ગુમાવ્યું?

સારવાર બાદ બાળકને પાછો આપ્યું

આ દરમિયાન માસૂમની તસ્વીર વાયરલ થવા લાગી હતી. જોકે, આ બાળકને અમેરિકી સેનાના હવાલે કરવામાં આવ્યો નથી. પેંટાગન પ્રવક્તા જોન કર્બીના જણાવ્યા અનુસાર પેરેન્સે સૈનિકોને બાળકોની દેખરેખ રાખવા કહ્યું કારણ કે તે બિમાર હતો અને તેના માટે સૈનિકોએ તેને દિવાલ કૂદાવીને લઈ લીધો હતો. ત્યાંથી એરપોર્ટ પર આવેલા નોર્વેની હોસ્પિટલમાં લઈ ગયા. જ્યાં બાળકની સારવાર બાદ તેને તેના પિતાને સોંપી દેવામાં આવ્યો હતો.