મુંબઈ: ટીવી અભિનેત્રી અને 'બિગ બોસ' સિઝન 6ની વિજેતા ઉર્વશી ધોળકિયા શનિવારે મુંબઈમાં કાર અકસ્માતનો ભોગ બની હતી. રાહતની વાત એ છે કે આ અકસ્માતમાં ટીવી અભિનેત્રી ઉર્વશી ધોળકિયાનો આબાદ બચાવ થયો હતો. ટીવી એક્ટ્રેસને આ અકસ્માતમાં ગંભીર ઈજા થઈ નથી. ડોક્ટરે તેમને થોડા દિવસ આરામ કરવાની સલાહ આપી છે.
ઉર્વશી ધોળકિયાની કારનો અકસ્માત: ટીવી અભિનેત્રી ઉર્વશી ધોળકિયાની કાર અકસ્માતની ઘટના ત્યારે બની જ્યારે તે શૂટિંગ માટે મીરા રોડ ફિલ્મ સ્ટુડિયો જઈ રહી હતી. કાશીમીરા જતા રસ્તામાં બાળકોને લઈ જઈ રહેલી એક સ્કૂલ બસે પાછળથી ઉર્વશીની કારને ટક્કર મારી. જોકે ઉર્વશી અને તેનો સ્ટાફ આ અકસ્માતમાંથી બચી ગયો હતો. 'બિગ બોસ' સિઝન 6ની વિનર ઉર્વશી ધોળકિયાએ સ્કૂલ બસ હોવાના કારણે ડ્રાઈવર વિરુદ્ધ કોઈ કેસ કર્યો નથી. તેણે તેને માત્ર એક અકસ્માત ગણાવ્યો હચો. જો કે કાશીમીરા પોલીસે અભિનેત્રીના ડ્રાઈવરનું નિવેદન નોંધ્યું છે.
આ પણ વાંચો:Sidharth Kiara Wedding: આવો મસ્ત છે સૂર્યગઢ પેલેસ, જ્યાં સિદ્ધાર્થ-કિયારા પ્રભુતામાં પગલાં પાડશે