હૈદરાબાદ: તમિલ ફિલ્મ ઈન્ડસ્ટ્રીનો સુપરસ્ટાર વિજય આ દિવસોમાં તેની ફિલ્મ 'વારિસૂ'થી બોક્સ ઓફિસ પર ધમાલ મચાવી રહ્યો છે. આ ફિલ્મ તારીખ 11 જાન્યુઆરીના રોજ રિલીઝ થઈ હતી અને તેણે અત્યાર સુધીમાં વિશ્વભરમાં બોક્સ ઓફિસ પર 300 કરોડનું ગ્રોસ કલેક્શન કર્યું છે. આ ફિલ્મમાં વિજય સાથે સાઉથની સુપરહિટ અભિનેત્રી રશ્મિકા મંદન્ના જોવા મળી રહી છે. દરમિયાન, વિજયને લઈને વધુ એક ફિલ્મની સત્તાવાર જાહેરાત કરવામાં આવી છે. દક્ષિણ ફિલ્મ ઉદ્યોગના યુવા દિગ્દર્શક લોકેશ કનાગરાજે તેમના ટ્વિટર હેન્ડલ પર સુપરસ્ટાર વિજય સાથેની તેમની આગામી ફિલ્મ થાલપતિ 67ની જાહેરાત કરી છે. લોકેશે ટ્વિટર પર ફિલ્મ સાથે જોડાયેલી મહત્વની માહિતી શેર કરી છે. આ બીજી વખત છે જ્યારે વિજય અને લોકેશ કોઈ ફિલ્મમાં કામ કરવા જઈ રહ્યા છે. અગાઉ આ જોડીએ 'માસ્ટર' જેવી બ્લોકબસ્ટર ફિલ્મ આપી હતી.
આ પણ વાંચો:shamita shetty dating: શમિતા શેટ્ટીએ આમિર અલીને ડેટ કરવાના અહેવાલો પર મૌન તોડ્યું
સંજય દત્તનું તમિલ ડેબ્યુ:ફિલ્મ થલપથી 67નું નિર્માણ સેવન સ્ક્રીન સ્ટુડિયો દ્વારા કરવામાં આવશે. વિજયની ફિલ્મો 'બીસ્ટ' અને 'માસ્ટર' અને કાર્તિ સાથે 'કૈદી'માં ઉત્કૃષ્ટ સંગીત આપનાર યુવા સંગીતકાર રોકસ્ટાર અનિરુધ ફરી એકવાર પોતાના સંગીતથી ધમાકેદાર થશે. લોકેશે ટ્વિટર પર સુપરસ્ટાર વિજય સાથેની તસવીર શેર કરીને ફિલ્મની જાહેરાત કરી છે. આ ફિલ્મમાં સંજય દત્ત મહત્વના રોલમાં જોવા મળશે. આ માહિતી લોકેશે ફિલ્મના સંજય દત્તના પોસ્ટર સાથે પણ શેર કરી છે. ફિલ્મમાં વિજયની સામે અભિનેત્રી પ્રિયા આનંદ મુખ્ય ભૂમિકામાં જોવા મળશે. ફિલ્મનું શૂટિંગ આ મહિને શરૂ થઈ ગયું છે.
આ પણ વાંચો:Bigg Boss 16 finalist: નિમૃત કૌર રિયાલિટી શો 'બિગ બોસ 16'ના ફાઈમનલમાં પહોંચનારી પ્રથમ સ્પર્ધક
ફિલ્મ રિલીઝ ડેટ: વિજય અને લોકેશની હિટ જોડીની ફિલ્મ 'તલાપતિ 67' આ વર્ષે તારીખ 19 ઓક્ટોબરે રિલીઝ થશે. આ ફિલ્મના નામ, ટીઝર અને ટ્રેલરની માહિતી આગળ શેર કરવામાં આવશે. ફિલ્મના ડાયરેક્ટર લોકેશ ધીરે ધીરે સોશિયલ મીડિયા પર ફિલ્મ સાથે જોડાયેલી માહિતી આપી રહ્યા છે.
