Sanjay Dutt First Look: સંજય દત્તે જન્મદિવસ પર ચાહકોને આપી મોટી ભેટ, આગામી સાઉથ ફિલ્મનો ફર્સ્ટ લુક રિલીઝ

સંજય દત્ત આજે પોતાનો 64મો જન્મદિવસ ઉજવી રહ્યાં છે. આ પ્રંસગે તેમને ચાહકો જન્મદિવસની શુભકામના પાઠવી રહ્યાં છે. આ સાથે સંજય દત્તે પણ પોતાના ચાહકોને ભેટ સ્વરુપે તેમની આગામી ફિલ્મમાંથી ફર્સ્ટ ઝલક શેર કરી છે. આ ફિલ્મની જાહેરાત સાથે ચાહકો તેમની ફિલ્મ સફળ થાય તે માટે શુભેચ્છા પાઠવી રહ્યાં છે.

હૈદરાબાદ: બોલિવુડના બાબા સંજય દત્તના ચાહકો માટે હિન્દી સિનેમામાંથી આવ્યા છે ખુશીના સમાચાર. તારીખ 29 જુલાઈએ સંજય દત્ત પોતાનો જન્મદિવસ ઉજવી રહ્યાં છે. સંજય દત્ત તારીખ 19 જુલાઈએ 64 વર્ષના થઈ ગયા છે. સંજય દત્તનું બોલિવુડમાં બહુ મોટુ નામ છે અને તેમના ચાહકો પણ ઓછા નથી. આ અવસર પર તેમના ચાહકો જન્મદિવસની શુભેચ્છા પાઠવી રહ્યાં છે. તેમને જીવનના આગળના વર્ષ માટે શુભકામના પાઠવી રહ્યાં છે. બીજી તરફ સંજય દત્તે પણ પોતાના ચાહકોને આ પ્રસંગે મોટી ભેટ આપી છે.

ફર્સ્ટ લુક રિલીઝ: સંજય દત્ત ધીરે ધીરે સાઉથ ફિલ્મ ઉદ્યોગ તરફ વળી રહ્યાં છે. બ્લોકબસ્ટર ફિલ્મ 'કેજીએફ' પછી સંજય દત્તના હાથમાં એક પછી એક સાઉથ ફિલ્મની ઓફર આવી રહી છે. સંજયની સાઉથ સિનેમામાં ડિમાંડ વધતી જઈ રહી છે. હવે એક બીજી નવી ફિલ્મમાં સંજય દત્ત કામ કરવા જઈ રહ્યાં છે અને આ ફિલ્મમાંથી પ્રથમ દેખાવની ઝલક પણ શેર કરી છે. સાઉથના પ્રખ્યાત અભિનેતા પુરી નગન્નાથ આ ફિલ્મ બનાવી રહ્યાં છે. સાઉથ સિનેમાનાં સૌથી સ્માર્ટ અભિનેતા તરીકે જાણીતા અભિનેતા રામ પોથિનેની લીડ રોલમાં છે.

ચાહકોએ પાઠવી શુભેચ્છા: આ ફિલ્મ 'ઈસ્માર્ટ શંકર'ની સિક્વલ છે, જેમાં સંજય દત્ત વિલનની ભૂમિકામાં જોવા મળશે. આ એક પેન ઈન્ડિયા ફિલ્મ છે. તારીખ 8 માર્ચે તેલુગૂ, હિન્દી, તમિલ, મલયાલમ અને કન્નડ ભાષામાં આ ફિલ્મ રિલીઝ થવા જઈ રહી છે. આ ફિલ્મ મહાશિવરાત્રીના શુભ અવસર પર રિલીઝ થવા જઈ રહી છે. હવે સંજય દત્તના ચાહકો આ ભેટને દિલથી સ્વીકાર કરી રહ્યાં છે. આ દરમિયાન ચાહકો તેમને નવી ફિલ્મની સફળતા માટે શુભકામના આપી રહ્યાં છે.