અમદાવાદ: ગુજરાતના કચ્છની કોમલ ઠક્કરે સતત બીજી વખત કાન્સ ફિલ્મ ફેસ્ટિવલમાં રેડ કાર્પેટ પર જાદૂ પાથર્યો છે. કાન્સ ફિલ્મ ફેસ્ટિવલમાં બીજી વખત ભાગ લેનારી પ્રથમ ગુજરાતણ બની છે. રેડ કાર્પેટને ગ્રેસ કરવા માટે તે ગુજરાતી ફિલ્મ ઈન્ડસ્ટ્રીમાંથી એકમાત્ર પ્રતિનિધિ રહી છે.
વ્યક્ત કર્યો આભાર:કાન્સમાં ભાગ લીધા પછી કોમલ ઠક્કરે જણાવ્યું હતું કે, બોલીવુડ કો હોલીવડ તમામનું એક જ સપનું હોય છે કે તે કાન્સ ફિલ્મ ફેસ્વિટવમાં ભાગ લે. આજે બીજી વખત હું કાન્સમાં ભાગ લઈને આવી છું. બોલીવુડ અને ફિલ્મ ઈન્ડસ્ટ્રીઝનો ખૂબ ખૂબ આભાર વ્યક્ત કરું છું. જેણે તેના ટ્રેલબ્લેઝિંગ સ્ટેટસને મજબૂત બનાવ્યું હતું. તેણે આભાર વ્યક્ત કરતાં જણાવ્યું હતું કે, આ નોંધપાત્ર મંચ પર મારા દેશ, ગુજરાતી ફિલ્મ ઉદ્યોગ અને વૈશ્વિક ફિલ્મ સમુદાયનું પ્રતિનિધિત્વ કરવા બદલ હું ગૌરવ અનુભવું છું. કોમલ ઠક્કરે આભાર માનતા કહ્યું હતું કે, આ નોંધપાત્ર મંચ પર મારા દેશ, ગુજરાતી ફિલ્મ ઈન્ડસ્ટ્રી અને વૈશ્વિક ફિલ્મ સમુદાયનું પ્રતિનિધિત્વ કરવા બદલ હું ગૌરવની લાગણી અનુભવું છું.
અભિનેત્રીનો શાનદાર લુક: વધુમાં જાણવા મળ્યા મુજબ કોમલ ઠક્કરનો ઉત્કૃષ્ટ ગાઉન ઇસ્તંબુલ તુર્કીના ફૌદ સરકીસે ડિઝાઇન કર્યો છે. અભિનેત્રીએ પહેરેલા ઘરેણાં લંડનની મોના ફાઈન જ્વેલરી મારફતે બનાવવામાં આવ્યા છે. તો બીજો એક અલગ લૂક ભારતીય ડિઝાઇનર નિકેતા ઠક્કર દ્વારા ડિઝાઇન કરવામાં આવ્યો છે.