FIFA વર્લ્ડ કપની ફાઇનલમાં રમશે ભારત, દીપિકા પાદુકોણને મળી આ મોટી જવાબદારી

કતારમાં આયોજિત ફિફા વર્લ્ડ કપ 2022 (FIFA world cup 2022)માં ફરી એકવાર ભારતનો ડંકો વાગવા જઈ રહ્યો છે. ફિફાની ફાઈનલ મેચમાં બોલિવૂડ અભિનેત્રી દીપિકા પાદુકોણ (Deepika Padukone FIFA world cup)ને મોટી જવાબદારી મળી છે.

હૈદરાબાદ: મધ્ય પૂર્વના દેશ કતારમાં આયોજિત ફિફા વર્લ્ડ કપ 2022 (FIFA world cup 2022)માં આ વખતે મોટા ઉતાર ચઢાવ જોવા મળી રહ્યા છે. વિશ્વની ટોચની ફૂટબોલટીમ પણ નાની ટીમ સામે ઘૂંટણિયે પડેલી જોવા મળે છે. આ વર્ષનો ફિફા વર્લ્ડ કપ ઘણી રીતે ખાસ છે. ભારતના સંદર્ભમાં બોલિવૂડ ડાન્સર નોરા ફતેહીએ ફિફા ફેન ફેસ્ટિવલમાં ખૂબ જ ધૂમ મચાવી હતી અને હવે બોલિવૂડની દિગ્ગજ અભિનેત્રી અને વૈશ્વિક સ્ટાર દીપિકા પાદુકોણ (Deepika Padukone FIFA world cup) વિશે મોટા સમાચાર આવી રહ્યા છે. ઉલ્લેખનીય છે કે, FIFAની ફાઈનલ મેચમાં દીપિકા પાદુકોણને મોટી જવાબદારી સોંપવામાં આવી છે.

ફાઈનલ 18મી ડિસેમ્બરે છે:મીડિયા રિપોર્ટ્સ અનુસાર FIFA વર્લ્ડ કપની ફાઈનલ મેચ તારીખ 18 ડિસેમ્બરે કતારના લોઝેન આઇકોનિક સ્ટેડિયમમાં રમાશે. આવી સ્થિતિમાં તારીખ 18મી ડિસેમ્બરે ટાઈટલ ટ્રોફી પરથી પણ પડદો હટી જશે. જાણીને ખુશી થશે કે, અભિનેત્રી દીપિકા પાદુકોણ ફિફા ટ્રોફીનું અનાવરણ કરવા જઈ રહી છે. ફીફા સંસ્થાએ આ સન્માનજનક કાર્ય માટે ભારતની પ્રિયતમ દીપિકા પાદુકોણની પસંદગી કરી છે. દીપિકા પાદુકોણના ચાહકો ખુશીનો માહોલ છે.

પહેલીવાર કોઈને આ તક મળી:તમને જણાવી દઈએ કે, આ પહેલીવાર છે જ્યારે કોઈ અભિનેત્રીને ફીફા વર્લ્ડ કપમાં આ સન્માન મળવા જઈ રહ્યું છે. દીપિકા પાદુકોણ એક વૈશ્વિક સ્ટાર છે અને તેથી FIFA સંસ્થાએ આ ઉમદા હેતુ માટે સમગ્ર વિશ્વમાં એક વિશાળ દેશ ભારતની પસંદગી કરી છે.

ફિલ્મ ફેસ્ટિવલ 2022:દીપિકા પાદુકોણને આ વર્ષે આયોજિત કાન્સ ફિલ્મ ફેસ્ટિવલ 2022માં જ્યુરી મેમ્બર્સમાં સામેલ કરવામાં આવી હતી. આ આંતરરાષ્ટ્રીય ઉત્સવમાં જ્યુરી તરીકે ભાગ લઈને દીપિકા પાદુકોણે દેશ ભારતનું સન્માન વધાર્યું હતું. દીપિકા પાદુકોણ હવે વૈશ્વિક સ્ટાર છે અને તેના પતિ અને અભિનેતા રણવીર સિંહ પણ આંતરરાષ્ટ્રીય સ્તરે ઘણા સીમાચિહ્નો હાંસલ કરી રહ્યા છે.