ભારત અને પાકિસ્તાન યુદ્ધના હીરો ભૈરોન સિંહનું નિધન, ફિલ્મ બોર્ડરમાં સુનીલ શેટ્ટીએ ભજવ્યો રોલ

ફિલ્મ બોર્ડરમાં સુનીલ શેટ્ટી દ્વારા ભજવવામાં આવેલ બહાદુર સૈનિક ભૈરોન સિંહ રાઠોડનું નિધન થયું (Bhairon Singh Rathore passes away) છે. તેઓ ભારત અને પાક યુદ્ધ (indo pak war 1971)ના હીરો હતા. અભિનેતા સુનીલ શેટ્ટીએ વર્ષ 1997માં રિલીઝ થયેલી ફિલ્મ બોર્ડરમાં ભૈરોન સિંહનું મજબૂત પાત્ર ભજવ્યું હતું.

હૈદરાબાદ: વર્ષ 1971માં ભારત અને પાકિસ્તાન યુદ્ધના (indo pak war 1971) હીરો ભૈરોન સિંહ રાઠોડનું નિધન થયું (Bhairon Singh Rathore passes away )છે. તેમણે 80 વર્ષની વયે અંતિમ શ્વાસ લીધા. છાતીમાં દુખાવો અને તાવની ફરિયાદ બાદ તારીખ 27 સપ્ટેમ્બરે તેમને જોધપુરની AIIMS હોસ્પિટલમાં દાખલ કરવામાં આવ્યા હતા. સારવાર બાદ તેમને થોડા દિવસોમાં જ અહીંથી રજા આપવામાં આવી હતી. પરંતુ ફરીથી તેમની તબિયત બગડતાં તેમને ફરીથી દાખલ કરવા પડ્યા હતા. AIIMS પ્રશાસને ભૈરો સિંહને દાખલ કર્યા બાદ મફત સારવાર આપવાનો નિર્ણય લીધો હતો. ઉલ્લેખનીય છે કે, વર્ષ 1963માં ભરતી થયેલા ભૈરોન સિંહ તારીખ 31 ડિસેમ્બર 1987ના રોજ BSFમાંથી નિવૃત્ત થયા હતા. અભિનેતા સુનીલ શેટ્ટીએ વર્ષ 1997માં રિલીઝ થયેલી ફિલ્મ 'બોર્ડર'માં ભૈરોન સિંહનું મજબૂત પાત્ર ભજવ્યું હતું.

બોર્ડરમાં સુનિલ શેટ્ટીએ ભજવી ભૂમિકા: કહેવામાં આવી રહ્યું છે કે, ભૈરોનસિંહના મોતની માહિતી મળતા જ BSFની સાથે ઓફિસર જવાન હોસ્પિટલ પહોંચ્યા અને તેમને અંતિમ વિદાય આપી. જેપી દત્તા દ્વારા નિર્દેશિત ફિલ્મ 'બોર્ડર'માં સુનીલ શેટ્ટીએ ભૈરોન સિંહની શ્રેષ્ઠ ભૂમિકા ભજવી હતી. જો કે ફિલ્મમાં ભૈરોન સિંહના પાત્રની હત્યા કરવામાં આવી હતી. પરંતુ વાસ્તવિક જીવનમાં ભૈરોન સિંહનું હવે નિધન થઈ ગયું છે.

1971નું યુદ્ધ: ભૈરોન સિંહ સેનામાંથી નિવૃત્ત થયા બાદ ગુમનામીનું જીવન જીવી રહ્યા હતા. ભૈરોન સિંહ રાઠોડનો જન્મ શેરગઢના સોલંકિયાતલા ગામમાં થયો હતો. તેઓ વર્ષ 1971 એટલે કે, યુદ્ધ દરમિયાન જેસલમેરની લોંગેવાલા પોસ્ટ પર 14 બટાલિયનમાં તૈનાત હતા. આ યુદ્ધમાં ભૈરો સિંહે દુશ્મનો સામે લડીને તેમના છક્કા છોડાવી દીધા હતા. તેમણે મેજર કુલદીપ સિંહના 120 સૈનિકોની ટુકડી સાથે દુશ્મનોનો જોરદાર મુકાબલો કર્યો હતો.

સેના મેડલ એનાયત: કહેવામાં આવી રહ્યું છે કે, આ યુદ્ધમાં ભૈરોન સિંહ MFGના લગભગ 30 પાકિસ્તાની દુશ્મનોને તેમની બંદૂકથી ઉડાવી દેવામાં આવ્યા હતા. વર્ષ 1971ના યુદ્ધમાં તેમની બહાદુરી માટે રાઠોડને તત્કાલિન મુખ્ય પ્રધાન બરકતુલ્લા ખાન દ્વારા સેના મેડલ પણ એનાયત કરવામાં આવ્યા હતા.

વિજય દિવસની ઉજવણી: લોંગેવાલાના યુદ્ધમાં ભારતને દુશ્મન સામે ઐતિહાસિક જીત મળી હતી. નોંધપાત્ર રીતે આ વિશ્વનું એકમાત્ર યુદ્ધ હતું, જે ફક્ત 13 દિવસ સુધી લડવામાં આવ્યું હતું. તારીખ 16 ડિસેમ્બર 1971ના રોજ પાકિસ્તાને તેના સૈનિકો સાથે ભારત સમક્ષ આત્મસમર્પણ કર્યું હતું. ત્યારથી આ દિવસને વિજય દિવસ તરીકે ઉજવવામાં આવે છે.