મુંબઈઃબોલિવૂડનો 'દબંગ' સલમાન ખાન બિગ બોસ OTT સીઝન 2માંથી વાપસી કરી રહ્યા છે. દર્શકો બિગ બોસ OTT 2 ની આતુરતાથી રાહ જોઈ રહ્યા છે. આ શો આગામી જૂનથી Jio સિનેમા પર સ્ટ્રીમ થવા જઈ રહ્યો છે. હવે બિગ બોસ OTT 2 વિશે મોટા સમાચાર આવી રહ્યા છે. એવું કહેવામાં આવી રહ્યું છે કે, સોશિયલ મીડિયા પ્રભાવક અને 'કાચા બદનામ' ફેમ અંજલિ અરોરાએ શોમાં એન્ટ્રી કરી છે.
અંજલી અરોરાની એન્ટ્રી: આ સાથે ક્રિએટિવ પ્રોડ્યુસર મહેશ પૂજારી પણ આ શોમાં જોવા મળવાના છે. એટલું જ નહીં કોરિયોગ્રાફર અને ગૌહર ખાનના સાળા આવેઝ દરબાર પણ સલમાન ખાનના શોમાં એન્ટ્રી કરવા જઈ રહ્યા છે. કહેવામાં આવી રહ્યું છે કે, આવેઝ બિગ બોસ OTT 2 માટે પોતાનો એક પ્રોમો પણ શૂટ કર્યો છે. હવે આ ત્રણેય સોશિયલ મીડિયા સ્ટાર્સ સલમાન ખાનના શોમાં તેમની બૌદ્ધિક પ્રતિભા દર્શાવતા જોવા મળશે.
બિગ બોસના સ્પર્ધોકો: મીડિયા રિપોર્ટ્સનું માનીએ તો અંજલિ અરોરા, આવેઝ દરબાર અને મહેશ પૂજારીએ તારીખ 28 મેના રોજ આ શો માટે પ્રોમો શૂટ કર્યો છે. હવે શો મેકર્સ બહુ જલ્દી તેમના નામ જાહેર કરવા જઈ રહ્યા છે. બિગ બોસ OTT 2 માંથી અત્યાર સુધી પૂનમ પાંડે, રાજીવ સેન, જિયા શંકર, અર્ચના ગૌતમ, સંભાવના સેઠ અને મુનાવર ફારૂકીના નામ સ્પર્ધકો તરીકે ઉમેરવામાં આવ્યા છે.
સીઝન 2ના હોસ્ટ: TV અભિનેત્રી પૂજા ગૌર, આસિમ રિયાઝના ભાઈ ઉમર રિયાઝ અને ફૈઝલ ખાન ઉર્ફે મિસ્ટર ફૈઝુના નામનો પણ ઉલ્લેખ કરવામાં આવી રહ્યો છે. અગાઉ બિગ બોસ OTT સીઝન 1 પ્રખ્યાત ફિલ્મ નિર્માતા કરણ જોહર દ્વારા હોસ્ટ કરવામાં આવી હતી. આ વખતે પણ કરણ જોહર આ શોને હોસ્ટ કરી રહ્યા હોવાની અટકળો ચાલી રહી હતી, પરંતુ સીઝન 2 નો પ્રોમો આવ્યા બાદ એ સ્પષ્ટ થઈ ગયું કે, સલમાન ખાન શોની સીઝન 2 હોસ્ટ કરી રહ્યા છે.
- Tovino Thomas Film 2018: ટોવિનો થોમસની ફિલ્મ '2018' મોહનલાલની 'પુલિમુરુગન'ને પાછળ છોડી, બનાવ્યો નવો રેકોર્ડ
- Vicky Kaushal: વિકી કૌશલ ગુજરાતના પ્રવાસે, અભિનેતાએ ફાફડા જલેબીની તસવીર શેર કરી
- Rakul Singh: રકુલ પ્રીત સિંહ બ્લેક ગાઉનમાં ટોન્ડ લેગ્સને ફ્લોન્ટ કર્યા, તસવીર તમારું દિલ ચોરી લેશે
