હૈદરાબાદઃવિવાદાસ્પદ ફિલ્મ 'આદિપુરુષ' બોક્સ ઓફિસ પર દિવસેને દિવસે ધૂમ મચાવી રહી છે. ફિલ્મની કમાણી દરરોજ ઝડપથી ઘટી રહી છે. તારીખ 16મી જૂને રિલીઝ થયેલી 'આદિપુરુષ' ફિલ્મ આજે 9માં દિવસે એટલે કે તારીખ 24મી જૂને ચાલી રહી છે. આઠમા દિવસે પણ આ ફિલ્મ બોક્સ ઓફિસ પર કંઈ કમાલ કરી શકી નથી અને ફિલ્મની કમાણી મુઠ્ઠીભર થઈ ગઈ છે.
બોક્સ ઓફિસ કલેક્શન: 'આદિપુરુષ'નું સ્થાનિક અને વિશ્વવ્યાપી બોક્સ ઓફિસ કલેક્શન ઘટી રહ્યું છે. 600 કરોડના બજેટમાં બનેલી આ ફિલ્મ તેની કિંમત કાઢવામાં પાછળ રહી ગઈ છે. બાહુબલી સ્ટાર પ્રભાસ અને બોલિવુડની બ્યુટી કૃતિ સેનનનો જાદુ પણ ઓમ રાઉત દ્વારા નિર્દેશિત ફિલ્મમાં ચાહકો પર ચાલી રહ્યો નથી. આવો જાણીએ ફિલ્મ આદિપુરુષે રિલીઝના આઠમા દિવસે બોક્સ ઓફિસ પર કેટલી કમાણી કરી છે.
આદિપુરુષ ડાયલોગ વિવાદ: બોક્સ ઓફિસ પર આઠમા દિવસની કમાણી દર્શાવે છે કે, લોકોને 'આદિપુરુષ' જોવામાં રસ નથી. સિનેમાઘરો માત્ર એવા લોકો સુધી પહોંચે છે જેઓ જોવા માગે છે કે, ફિલ્મના દિગ્દર્શક ઓમ રાઉત અને લેખક મનોજ મુન્તાશીરે રામાયણના નામે 'આદિપુરુષ'માં શું બકવાસ ભર્યો છે. સ્થાનિક થિયેટરોમાં ફિલ્મની આઠમા દિવસની અંદાજિત કમાણી રૂપિયા 3.25 કરોડ હોવાનું કહેવાય છે.
આઠમાં દિવસનું કલેક્શન: ફિલ્મનું ભારતીય બોક્સ ઓફિસ કલેક્શન રૂપિયા 264.80 કરોડ થઈ ગયું છે. વિશ્વભરમાં ફિલ્મે આઠમા દિવસે લગભગ 5 કરોડનું કલેક્શન કર્યું છે અને કુલ 410 કરોડ રૂપિયાથી વધુનું કલેક્શન કર્યું છે. હવે બીજા વીકેન્ડમાં 'આદિપુરુષ' ફિલ્મનું ભાવિ નક્કી થશે. 'આદિપુરુષ'ની સામે વિકી કૌશલની ફિલ્મ 'જરા હટકે જરા બચકે' થિયેટરોમાં પોતાની જગા બનાવી રાખી છે. દર્શકો આ ફિલ્મ જોવાનું પસંદ કરી રહ્યાં છે.
- Tanvi Aaditya: 'ગમ હૈ કિસીકે પ્યાર મેં' ફેમ તન્વી ઠક્કરે પુત્રને આપ્યો જન્મ, ચાહકોએ પાઠવ્યા અભિનંદ
- Ram Charan: રામ ચરણે પુત્રીના જન્મની શુભેચ્છા આપવા બદલ ચાહકોનો માન્યો આભાર, જુઓ વીડિયો
- Ranbir Kapoor: રણબીર આલિયા એરપોર્ટ પર જોવા મળ્યા હતા, ફેન્સ સાથે તસવીર વાયરલ
