ઠાકોર સેનાના અધ્યક્ષ અને રાધનપુરના કોંગ્રેસના ધારાસભ્ય અલ્પેશ ઠાકોર છેલ્લા ઘણા સમયથી કોંગ્રેસથી નારાજ છે અને તેઓ કોંગ્રેસથી છેડો ફાડી રાજીનામું આપી રહ્યા છે. ત્યારે તેમને સૌથી વધુ નજીક અને અંગત ગણાતા ગનીબેન ઠાકોરે આ મામલે તેમની પ્રતિક્રિયા આપતા જણાવ્યું હતું કે કોંગ્રેસ ઠાકોર સેના માટે ખુબ જ કામ કર્યું છે અને જે કોઈ નારાજગી હોય તો તે અંગે તેઓ જાણતા નથી.
અલ્પેશ ઠાકોરના રાજીનામા સામે ઠાકોર સમાજની પ્રતિક્રિયા
તેમજ રાજીનામાં અંગે પણ અલ્પેશ ઠાકોરને તેના વિરોધીઓ દ્વારા બદનામ કરતા હોવાના આક્ષેપ કર્યો હતો. તો સાથે જ કોંગ્રેસે ઠાકોર સેના સાથે કોઈ જ અન્યાય કર્યો નથી અને અગાઉ વિધાનસભાની ચૂંટણીમાં પણ ઠાકોર સેનાને અનુકુળતા મુજબ સીટો આપી હતી આ સિવાય જો અલ્પેશ રાજીનામું આપે તો પણ, ઠાકોર સમાજ કોંગ્રેસની વિચારધારા સાથે સંકળાયેલો છે અને રહેશે.