દેવનહલ્લી(કર્ણાટક): કેમ્પેગૌડા ઇન્ટરનેશનલ એરપોર્ટ પર એક મહિલાએ એરપોર્ટને બોમ્બની ઉડાડી દેવાની ધમકી ભારે પડી હતી. ઈન્ડિગોની ફ્લાઈટ મોડી પડચાં એક મહિલાએ સુરક્ષા કર્મચારીઓ સાથે દલીલ કરી હતી. મહિલાએ જો તે જલ્દી ફ્લાઈટ નહિ આવે તો એરપોર્ટને બોમ્બથી ઉડાવી દેવાની ધમકી આપી હતી. જે બદલ પોલીસે તેની ધરપકડ કરીને જેલમાં ધકેલી દીધી હતી.
એરપોર્ટને બોમ્બની ઉડાડી દેવાની ધમકી:સામે આવેલી માહિતી મુજબ 3 ફેબ્રુઆરીએ કેરળની એક મહિલા બેંગલુરુથી કોલકાતા જવા માટે એરપોર્ટ પર પહોંચી હતી. મહિલાએ ઈન્ડિગોની ફ્લાઈટ નંબર 6E445ની ટિકિટ બુક કરાવી હતી. બોર્ડિંગ ગેટ નંબર 6 પર બેસીને તેણે એરપોર્ટ સિક્યુરિટી સ્ટાફ સાથે દલીલ કરી કે ફ્લાઈટ મોડી પડી હતી. પછી તેણે ધમકી આપી કે જો તે અહીંથી જલ્દીથી નહીં નીકળે તો તે એરપોર્ટ પર બોમ્બ પ્લાન્ટ કરીને તેને ઉડાવી દેશે.
આ પણ વાંચો:Bomb rumour in flight: યાત્રીના નંબર પરથી મેસેજ મળ્યો, આપકી ફ્લાઇટ મે બોમ્બ હૈ
11 દિવસની જ્યુડિશિયલ કસ્ટડીઃસ્ટાફને ધમકાવ્યા પછી તેણીએ પેસેન્જરો પર બૂમો પાડતી રહી કે તેણે આ સ્થળે બોમ્બ પ્લાન્ટ કર્યો છે અને મુસાફરોને પાછા જવા કહ્યું. જેને લઈને સુરક્ષાકર્મીઓએ મહિલાની ધરપકડ કરી હતી અને તેને પોલીસને હવાલે કરી હતી. બાદમાં પોલીસે મહિલાને કસ્ટડીમાં લઈ કેસ દાખલ કરી કોર્ટમાં રજૂ કર્યો હતો. દેવનહલ્લીની જેએમએફસી કોર્ટે મહિલાને 17 ફેબ્રુઆરી સુધી 11 દિવસની ન્યાયિક કસ્ટડીમાં મોકલી છે.
આ પણ વાંચો:Bomb Blast In Basanti West Bengal : પશ્ચિમ બંગાળમાં બોમ્બ બનાવવા દરમિયાન વિસ્ફોટ થતા એકનું મોત
પહેલા પણ મળી હતી ધમકી:ઉલ્લેખનીય છે આ પહેલા મે મહિનામાં કેમ્પેગૌડા ઈન્ટરનેશનલ એરપોર્ટ પર બોમ્બ હોવાની ધમકી મળી હતી. આ કેસમાં પોલીસે આરોપીની ધરપકડ કરી હતી. પોલીસના જણાવ્યા અનુસાર, એરપોર્ટ પોલીસ કંટ્રોલ રૂમને લગભગ 3.50 વાગ્યે કોલ આવ્યો હતો. તે પછી તરત જ કેન્દ્રીય ઔદ્યોગિક સુરક્ષા દળ, બોર્ડર સિક્યોરિટી ફોર્સ, બોમ્બ ડિસ્પોઝલ સ્ક્વોડ અને ડોગ સ્કવોડે સઘન સર્ચ ઓપરેશન શરૂ કર્યું હતું. લગભગ એક કલાકની શોધખોળ બાદ સુરક્ષા અધિકારીઓ એવા નિષ્કર્ષ પર આવ્યા કે બોમ્બ વિશેની માહિતી નકલી હતી.
