વડોદરા: શહેરની મકરપુરા GIDCમાં વડસર બ્રિજ નીચે આવેલી કેન્ટોન લેબોરેટરીઝ પ્રાઈવેટ લિમિટેડ કમ્પનીમાં (blast at Vadodara canton laboratories) 24 ડિસેમ્બરે સવારે 9.30 વાગે બોઈલરમાં ઓવર પ્રેસરને કારણે પ્રચંડ ધડાકો થયો હતો. આ દુર્ઘટનામાં ચાર લોકોનું મોત નિપજ્યુ હતું, તેમજ 11 વ્યક્તિઓ ઈજાગ્રસ્ત થતાં સારવાર અર્થે નજીકના હોસ્પિટલમાં ખસેડાયા હતા. તેમાંના એક મહિલા દર્દીનું સારવાર હેઠળ મોત થતા દુર્ઘટનાનો મૃત્યુઆંક 5 (5 died In Blast Vadodara) પર પહોંચ્યો છે.
કુલ પાંચ લોકોના મોત થયાં
બ્લાસ્ટમાં (Vadodara Canton Laboratories Blast) ઘટનાસ્થળ પર કામ કરી રહેલા 8 કર્મચારી અને ટ્રક અનલોડ કરવાનું કામ કરતા અન્ય મળી કુલ 11 વ્યક્તિઓ ઈજાગ્રસ્ત થતાં સારવાર અર્થે નજીકના દવાખાને ખસેડવામાં આવ્યા હતા. વડોદરાની ખાનગી હોસ્પિટલમાં સારવાર લઇ રહેલા શીતલ મહેન્દ્રભાઈ ભોઈનું શુક્રવારે મોત થયું હતું. મૃતક 110 કેન્ટોન લેબોરેટરીઝ ખાતે રહેતી હતી. કમ્પની પરિસરમાં રહેણાંક ઘર બનાવવાની મનાઇ હોવા છતાં રહેવાની કિંમત મહિલાએ જીવ આપીને ચુકવી છે.
મૃતકોના નામ
- રવિ જીતેન્દ્ર વસાવા, (ઉં.21), રહે. નવી નગરી, બિલ ગામ
- સતીષ એમ. જોશી, (ઉં.65), રહે. વિજયનગર, તરસાલી
- રિયા કમલેશ ચૌહાણ, (ઉ.05), રહે. વડસર રોડ, કમ્પનીમાં
- વર્ષા કમલેશ ચૌહાણ, (ઉ.30), રહે. વડસર રોડ, કમ્પનીમાં
- શીતલ મહેન્દ્રભાઈ ભોઈ (ઉ.30) રહે 110 કેન્ટોન લેબોરેટરીઝ
- દુર્ઘટનામાં મૃત્યુઆંક 5 ઉપર પહોંચ્યો છે