કોઇપણ મિલકત ખરીદવા કે ટ્રાન્સફર ન કરવા માટે પતિ Bharatsinh Solanki ને પત્ની રેશ્માની જાહેર નોટિસ

કોંગ્રેસના પૂર્વ પ્રમુખ ભરતસિંહ સોલંકીના ( Bharatsinh Solanki ) પત્ની રેશ્માએ એક જાહેર નોટિસ પાઠવી છે. જેમાં તેમણે જણાવ્યું છે કે તેમની અને તેમના પતિના નામની કોઇપણ મિલકત ખરીદવા કે ટ્રાન્સફર કરવામાં ન આવે.રેશ્માએ આક્ષેપ કર્યો છે કે મનીષા નામની મહિલા તેમ જ અન્ય સંબંધીઓના ખાતામાં ભરતસિંહે 3 લાખ ડોલર ટ્રાન્સફર કર્યાં છે.

• કોંગ્રેસના પૂર્વ પ્રમુખ ભરતસિંહ સોલંકી અને તેમના પત્ની રેશ્મા વચ્ચેનો વિવાદ વધુ વકર્યો
• ભરતસિંહ સોલંકીએ મનીષા નામની મહિલાના ખાતામાં રૂ.3 લાખ ડોલર ટ્રાન્સફર કર્યા
• કોઇ પણ મિલકત ખરીદવા કે ટ્રાન્સફર નહી કરવા માટે પતિ ભરતસિંહને પત્ની રેશ્માનીે જાહેર નોટિસ
• કોરોનાની બીમારીમાંથી બહાર આવ્યા બાદ વર્તન બદલાયું : પત્ની રેશ્મા પટેલ
  

વડોદરાઃ કોંગ્રેસના પૂર્વ પ્રમુખ ભરતસિંહ સોલંકીનો ( Bharatsinh Solanki ) પત્ની સાથેનો વિવાદ હવે વધુ વકરી રહ્યો છે. ભરતસિંહનાં પત્ની રેશમા પટેલે વધુ એક નોટિસ આપીને તેમની મિલકતમાં પોતાનો ભાગ હોવાનું કહીને કોઈએ એ મિલકત ન ખરીદવાની અપીલ કરી છે. પત્નીના બેંક ઓફ અમેરિકાના ખાતામાંથી ભરતસિંહ સોલંકીએ 3 લાખ ડોલરથી વધારે રૂપિયા મનીષાબેન અને અન્ય ઇસમોનાં ખાતાંમાં ઓનલાઇન ટ્રાન્સફર કરી દીધા હોવાનો પણ નોટિસમાં આક્ષેપ કર્યો છે.

રેશમા પટેલે પોતાના વકીલ મારફતે આપેલી નોટિસમાં જણાવ્યું કે...

રેશમાબેન ભરતસિંહ સોલંકીનાં ( Bharatsinh Solanki ) પત્ની અને પ્રકાશચંદ્ર મણિભાઇ પટેલની પુત્રી જાહેર ચેતવણી આપીએ છીએ કે અમારા અસીલના કાયદેસરના લગ્ન ભરતસિંહ સોલંકી સાથે થયેલા હતાં. પરંતુ હાલમાં અસીલના પતિ સાથે વિવાદ ઊભો થતાં અમારા અસીલને ઘરેથી કાઢી મૂક્યા હતાં. તેમણે જાહેર નોટિસ આપેલી હતી. અમારા અસીલ બોરસદ ખાતે રહેતાં હતાં. તેમનું ઘર તેમના પતિ ભરતસિંહ સોલંકીએ ધમકી આપીને ખાલી કરાવ્યું હતું. અમારા અસીલ પાસે રહેવાનું કોઇ સ્થાન ન હોવાથી જીવનું જોખમ હોવાથી કારણે તેઓ તાત્કાલિક અમેરિકા જતાં રહ્યાં છે. અમારા અસીલના પતિના નામે જંગમ અને સ્થાવર મિલકત તેમજ તેમનાં સગાં-વહાલાં તથા મિત્રોના નામે લીધેલી જંગમ તથા સ્થાવર મિલકત 6 માસ પહેલાં કે હાલમાં કોઇ ઇસમે ખરીદવી નહીં, કારણ કે તેમની મિલકતમાં અમારા અસીલનો ભાગ છે, જેથી કોઇ તેમની મિલકત ખરીદશે તો અમારા અસીલ કાયદેસરની કાર્યવાહી કરશે. અમારા અસીલના બેંક ઓફ અમેરિકાના ખાતામાંથી ભરતસિંહ સોલંકીએ 3 લાખ ડોલરથી વધારે નાણાં ઓનલાઇન મનીષાબેન અને અન્ય ઇસમોનાં ખાતાંમાં ટ્રાન્સફર કરી દીધાં. જેની જાણ અમારા અસીલને કરી નથી. આ નાણાં પરત નહીં આવે તો અમારાં અસીલ એ અંગે અમેરિકાથી કાયદેસરની કાર્યવાહી કરશે.

ભરતસિંહ સોલંકી અને રેશમા સુખી દિવસોમાં...

ભરતસિંહે પણ આપી હતી નોટિસ

કોંગ્રેસના વરિષ્ઠ નેતા અને ગુજરાત કોંગ્રેસના ભૂતપૂર્વ પ્રમુખ ભરતસિંહ સોલંકીએ ( Bharatsinh Solanki ) પોતાના વકીલ મારફત એક જાહેર નોટિસ પાઠવી હતી કે તેમનાં પત્ની રેશ્મા પટેલ છેલ્લાં ચાર વર્ષથી તેમની સાથે રહેતાં નથી અને તેમનાં કહ્યાંમાં નથી ભરતસિંહ સોલંકીએ નોટિસમાં જણાવ્યું છે કે કોઈપણ વ્યક્તિએ પત્ની સાથે તેમના નામનો ઉપયોગ કરી કોઈપણ પ્રકારની નાણાકીય લેવડદેવડ કે અન્ય સંબંધો રાખવા નહીં. જો આમ થશે તો ભરતસિંહ એ માટે જવાબદાર રહેશે નહીં.

આ અંગે રેશમાએ જણાવ્યું હતું કે પતિ ભરતસિંહ સોલંકીએ ( Bharatsinh Solanki ) 13-7-2021ના રોજ જાહેર નોટિસ આપી છે જેમાં તેમણે જણાવ્યું છે કે મારા પત્ની રેશ્મા પટેલ મારા કહ્યામાં નથી અને અમારી સાથે રહેતાં નથી એવા આરોપો મૂક્યા છે. વાસ્તવમાં પતિ ભરતસિંહ સોલંકી કોરોનાની બીમારીમાંથી બહાર આવ્યા બાદ તેમનું અમારા પ્રત્યેનું વર્તન બદલાઇ ગયું હતું. મારી સાથે ગાળાગાળી કરતા હતાં અને અમને પહેરેલાં કપડાંએ ઘરમાંથી કાઢી મૂક્યાં છે. પતિ ભરતસિંહ સોલંકી રાજકારણના મોટા હોદ્દાનો દુરુપયોગ કરી છૂટાછેડા લેવા માટે દબાણ કરી રહ્યા છે. અમે અમારા પતિ સાથે કોઇ ગેરવર્તણૂક કરી નથી. અમે તેમની સાથે પત્ની તરીકે રહેવા તૈયાર છે. અમારો કોઇ વાંક ન હોવા છતાં પતિ અમને માનસિક ત્રાસ આપી રહ્યાં છે. હાલ અમે કોઇના ઘરે ગેસ્ટ તરીકે રહીએ છે ત્યાં પણ અમને શાંતિથી રહેવા દેતા નથી અને અલગ-અલગ વ્યક્તિ પાસે ધમકીઓ આપવામાં આવી રહી છે.