વડોદરા : સમા પોલીસમાં ફરજ બજાવતા આસિસટન્ટ સબ ઇન્સપેકટરનો અક્સ્માત, ઘટના સ્થળે મૃત્યું

વડોદરામાં સમા પોલીસ સ્ટેશનમાં ફરજ બજાવતા આસિસટન્ટ સબ ઇન્સપેકટરને રણોલી બ્રિજ પાસે અક્સ્માત નડ્યો હતો જેમાં રોંગ સાઈડથી આવતુ આઇસરનું પૈડુ તેમના પર ફરી ગયું હતુ અને તેમનુ ઘટના સ્થળે જ મૃત્યું થયું હતું.

• પોલીસ કર્મીનું હાઈવે અક્સ્માતમાં મૃત્યું
• સમગ્ર ઘટના CCTVમાં કેદ થઈ
• આઇસર ચાલક ઘટના સ્થળેથી ફરાર

વડોદરા : મોત આવશે પણ આવું આવશે તેવુ કોઇ વિચાર પણ ન શકે, ખાકી પહેરી ફરજ પર જવા નિકળેલા પોલીસ જવાન પરત ઘરે નહીં આવે તેવુ પરિવારના કોઇએ વિચાર્યુ પણ નહોતું. પરંતુ હાઇવે પર કાળ બની રોંગ સાઇડથી આવી રહેલા આઇસર ચાલકે પોલીસ જવાનની બાઇકને અડફેટે લેતા ગંભીર અકસ્માત સર્જાયો હતો. પોલીસ જવાન રાજેન્દ્રભાઇના માથા પરથી આઇસરનુ ટાયર ફરી જતા તેઓનુ ઘટના સ્થળે જ મોત નિપજ્યું હતુ. બનાવની જાણ થતાં મોટી સંખ્યામાં પોલીસ જવાનો તાત્કાલીક સ્થળ પર પહોંચી ગયા હતા. પરંતુ રાજેન્દ્રભાઇએ ત્યાં સુધી અંતિમ શ્વાસ લઇ લીધો હતો.

સમગ્ર ઘટના CCTV કેમેરામાં કેદ થઈ

અકસ્માતના સમગ્ર ઘટના CCTV કેમેરામાં કેદ થઇ છે. જેમાં સ્પષ્ટ જોઇ શકાય છે કે, રોંગ સાઇડથી આવતું આઇસર અને રાજેન્દ્રભાઇની બાજુમાં ચાલી રહેલું ટેન્કરનુ ટાયર તેમના માથા ઉપરથી ફરી વળ્યું હતુ. CCTVમાં જોઇ શકાય છે કે, રસ્તા પરન પાણી ભરેલા ખાડા પાસે રાજેન્દ્રભાઇની બાઇક અચાનક સ્લીપ થઇ હતી, ત્યારબાદ રોંગ સાઇડ આવતી આઇસર તેમની બાઇક ઉપર ફરી વળ્યું હતું.

આ પણ વાચો : વલસાડના ગુંદલાવ ઓવરબ્રિજ હાઈવે નજીક અકસ્માત, બંન્ને વાહનચાલકનું ઘટના સ્થળે મૃત્યું

સમા પોલીસ સ્ટેશનમાં ફરજ બજાવતા હતા

રણોલી ગામમાં રહેતા રાજેન્દ્રભાઇ જયસ્વાલ સમા પોલીસ સ્ટેશન ખાતે ASI (આસિસટન્ટ સબ ઇન્સપેકટર) તરીકે ફરજ બજાવતા હતા. જે મંગળવારે સવારે તેઓ નિત્યક્રમ પ્રમાણે પોલીસ સ્ટેશન જવા માટે બાઇક પર નિકળ્યાં હતા. જ્યાં રણોલી બ્રીજ નીચે તાપી હોટલ નજીક રોંગ સાઇડ આવી રહેલા આઇસરના ચાલકે રાજેન્દ્રભાઇની બાઇકને અડફેટે લેતા કંભીર અકસ્માત સર્જાયો હતો.

આ પણ વાચો : પાંથાવાડા હાઈવે પર કેમિકલ ભરેલા ટેન્કર અને પોલીસની ગાડી વચ્ચે અક્સ્માત

આઇસર ચાલક ફરાર

આઇસરની અડફેટે આવતા રાજેન્દ્રભાઇ બાઇક પરથી નીચે રોડ પર પટકાયા હતા અને આઇસરનુ ટાયર તેમના માથા ઉપરથી ફરી વળ્યું હોય તેવા દ્રશ્યો CCTV જોવા મળ્યાં હતા. અકસ્માતમાં રાજેન્દ્રભાઇનુ આખુ માથુ છુંદાઇ જતા તેઓનુ ઘટના સ્થળે જ મૃત્યું થયું હતુ. દરમિયાન આઇસર ચાલક ઘટના સ્થળેથી ફરાર થઇ ગયો હતો.