અકોટામાં ભાજપના ધારાસભ્ય સીમાબેન મોહિલેના ઘરે તોડફોડ

વડોદરાના અકોટા વિધાનસભા મતવિસ્તારના ભાજપના મહિલા ધારાસભ્યના નિવાસ્થાને ગત રાત્રિએ કોઈ અજાણ્યા યુવકે ઘર બહાર ધાંધલ-ધમાલ મચાવી હતી અને પથ્થર મારી બારીના કાચ તોડ્યા હતા. જે યુવકને આજે સવારે મંગળવારે પોલીસે ઝડપી પાડીને કાર્યવાહી હાથ ધરી છે.

• વડોદરામાં ભાજપના ધારા સભ્યના ઘરે ધમાલ
• હીંચકા પર બેસી જોરજોરથી હીચકા ખાઇને બૂમાબૂમ કરતો હતો
• અજાણ્યા યુવકે પથ્થરમારો કરી કાચ તોડ્યાં

વડોદરા : અકોટા વિધાનસભાના ભાજપના ધારાસભ્ય સીમાબેન મોહિલેના નિવાસ્થાને ગત રાત્રે એક યુવકે આવીને દારૂ પીધેલી હાલતમાં ધાંધલ- ધમાલ મચાવી હતી. ઘરની બહાર મુકેલા હીંચકા પર બેસી જોર-જોરથી હીંચકા ખાધા હતા અને બૂમાબૂમ કરી હતી. બારી પર પથ્થર ફેંકી બારીના કાચ તોડી નાંખ્યા હતા. આ અંગે મહિલા ધારાસભ્યે ગોત્રી પોલીસને જાણ કરતાં પોલીસે અટકાયત કરી હતી. જે આધારે આજે સવારે મંગળવારે ગોત્રી પોલીસે યુવકની ધરપકડ કરી હોવાનું જાણવા મળ્યું છે.

ઉશ્કેરાયેલા યુવક દ્વારા ધમાલ
એવી માહિતી મળી છે કે, ધારાસભ્યના નિવાસસ્થાનેથી થોડે દુર કેટલાક યુવકો બેઠા હતા. ત્યાં આવીને પોલીસે તેઓને ભગાડ્યા હતા. જેથી તેમાંથી એક ઉશ્કેરાયેલા યુવક દ્વારા ધારાસભ્યોના નિવાસસ્થાને પહોંચી જ ધમાલ મચાવી હતી.