- લાંબા સમયથી રજૂઆત છતાં પગલાં લેવામાં ન આવતા માહિલાઓનો મોરચો
- સુગર ફેક્ટરીના સંચાલકો દ્વારા માત્ર આશ્વાસન આપવામાં આવે છે
- મહિલાઓએ ઊડતા બગાસનો વિરોધ કરવા થાળી અને વેલણ વગાડ્યા ચલથાણ સુગર ફેક્ટરીમાંથી ઊડતા બગાસનો મહિલાઓએ કર્યો વિરોધ
બારડોલી: પલસાણા તાલુકાના ચલથાણ ખાતે આવેલી ચલથાણ વિભાગ ખાંડ ઉદ્યોગ સહકારી મંડળી લિ. (ચલથાણ સુગર ફેકટરી)ના બોઈલરમાંથી ઉડતા બગાસની સમસ્યાને લઈ આસપાસના રહીશો છેલ્લા કેટલાક સમયથી મુશ્કેલીનો સામનો કરી રહ્યા છે. બગાસના રજકણોથી હેરાન સ્થાનિક મહિલાઓ સોમવારના રોજ મોરચો લઈને ચલથાણ સુગર ફેકટરી ખાતે સંચાલકોને રજૂઆતો કરી હતી. જ્યાં મહિલાઓને સંચાલકોએ ફક્ત આશ્વાસન આપ્યું હતું.
સંચાલકોના આશ્વાસનથી સંતોષ ન થતા મહિલાઓ પોતાના ઘરેથી સુગર સુધી ચાલતા આવી સુગર ફેકટરી ખાતે ધરણા પર બેઠી હતી અને થાળીઓ વગાડી વિરોધ નોંધાવ્યો હતો. આ ઉપરાંત 'ઉડતા બગાસને બંધ કરો'ના નારા લગાવ્યા હતા. કેટલીક મહિલાઓ તેમના રહેણાંક વિસ્તારમાં પડેલો બગાસ થેલીઓમાં ભરીને લઇ આવી સુગર ફેકટરી પરિસરમાં નાખ્યો હતો.
સંચાલકોએ સમસ્યા દૂર કરવા આપ્યું આશ્વાસન