સુરતમાં રાત્રીના 12 વાગ્યાથી વેક્સિનેશન મહા અભિયાન શરુ, 414 સેન્ટર પર અપાઈ રહી છે વેક્સિન

વડાપ્રધાન મોદીના જન્મદિવસ નિમિતે ગુજરાતમાં વેક્સિનેશન મહાઅભિયાન હાથ ધરવામાં આવી રહ્યું છે. સુરત શહેરમાં પણ વેક્સિનેશન મહાઆભિયાન શરૂ કરવામાં આવ્યું છે. રેલ્વે સ્ટેસન સહિત કુલ 414 સેન્ટર પર વેક્સિન આપવામાં આવી રહી છે. સુરતના વિવિધ વેક્સિનેશન સેન્ટરની સુરત મનપા કમિશ્નરે મુલાકાત લીધી હતી.

• ગુજરાતમાં વેક્સિનેશન મહાઅભિયાન હાથ ધરવામાં આવી રહ્યું છે
• સુરતના વિવિધ વેક્સિનેશન સેન્ટરની સુરત મનપા કમિશનરે મુલાકાત લીધી
• મહાઅભિયાનમાં વિવિધ NGO અને સામાજિક સંસ્થાઓ પણ જોડાઈ

સુરત: દેશના વડાપ્રધાન નરેન્દ્રભાઈ મોદીનો આજે ગુરુવારે જન્મદિવસ છે. તેઓના જન્મદિવસની ઉજવણીના ભાગ રૂપે ગુજરાતમાં વેક્સિનેશન મહાઅભિયાન શરૂ કરવામાં આવ્યું છે. સુરત શહેરમાં પણ વેક્સિનનું મહાઅભિયાન શરૂ કરવામાં આવ્યું છે. સુરત શહેરમાં રાત્રી 12 વાગ્યાથી જ આ વેક્સિનેશન મહા અભિયાનની શરૂઆત કરી દેવામાં આવી હતી. સુરત શહેરમાં લોકો વેક્સિન લઈને કોરોના સામે સુરક્ષિત થાય અને લોકોને વેક્સિન લેવામાં હાલાકી ન પડે તે માટે સુરતમાં 414 જગ્યાએ વેક્સિન સેન્ટર શરૂ કરવામાં આવ્યા હતા. સુરત રેલ્વે સ્ટેશન સહિતના વિસ્તારોમાં વેક્સિન સેન્ટર ગોઠવવામાં આવ્યા હતા. વિવિધ વેક્સિન સેન્ટરની મનપા કમિશ્નર બંછાનિધિ પાનીએ ખુદ મુલાકત લીધી હતી. આ ઉપરાંત વેક્સિનેશનના આ મહાઅભિયાનમાં વિવિધ NGO અને સામાજિક સંસ્થાઓ પણ જોડાઈ હતી. લોકોનું સ્થળ જ પર રજીસ્ટ્રેશન કરી વેક્સિન આપવામાં આવી હતી. અંદાજ મુજબ આજના દિવસે ૩ લાખ જેટલા લોકોને વેક્સિન આપી સુરક્ષિત કરાશે.

રાત્રીના 12 વાગ્યાથી આ વેક્સિનેશન મહાઆભીયાન શરૂ

મનપા કમિશ્નર બંછાનિધી પાનીએ જણાવ્યું હતું કે, રાત્રીના 12 વાગ્યાથી આ વેક્સિનેશન મહા અભિયાન શરૂ કરવામાં આવ્યું છે. સુરતમાં 414 સેન્ટર પર વેક્સીન આપવામાં આવી રહી છે. લોકોને વેક્સીન લેવા હાંકલ કરવામાં આવી હતી. આ ઉપરાંત આ વેક્સિનેશન મહાઅભીયાનમાં NGO અને કોર્પોરેટર સહિતના લોકોએ ભાગ લીધો હતો.

89 સેન્ટર ઉપર જે લોકોએ ઓનલાઈન રજીસ્ટ્રેશન

સુરતમાં અત્યાર સુધી 43.58 લાખ લોકોને વેક્સિન અપાઈ છે. જેમાં પહેલો ડોઝ 31.09 લાખ લોકોને અને 12.48 લાખ લોકોને બીજો ડોઝ અપાયો છે. આ ઉપરાંત 89 સેન્ટર ઉપર જે લોકોએ ઓનલાઈન રજીસ્ટ્રેશન કરાવ્યું છે તેઓને વેક્સીન અપાશે.