સુરત: અમેરિકાના રાષ્ટ્રપતિ ડોનાલ્ડ ટ્રમ્પ ગુજરાતની મુલાકાતે છે. તેમની પાછળ થનારા ખર્ચને લઈ રાજ્યભરમાં ચર્ચા છે. આ વચ્ચે પૂર્વ મુખ્ય પ્રધાન શંકરસિંહ વાઘેલાએ સુરત ખાતેના પ્રવાસને લઇને એક નિવેદન આપ્યું છે. પૂર્વ મુખ્ય પ્રધાન શંકર સિંહ વાઘેલાએ કહ્યું છે કે, રાષ્ટ્રપતિની ચૂંટણીમાં અમેરિકામાં વસતા ભારતીયો તેમજ ગુજરાતીઓના વોટ મેળવવા ટ્રમ્પ ગુજરાત આવી રહ્યા છે. જેની પાછળ 700 કરોડનો ખર્ચ સરકાર કરવા જઈ રહી છે. વડાપ્રધાન નરેન્દ્ર મોદી અમેરિકા ગયા હતા, ત્યારે પણ આટલો ખર્ચ માટે કરવામાં આવ્યો હતો.
ટ્રમ્પ ગુજરાત પ્રવાસ 700 કરોડનો ઘુમાડો: શંકરસિંહ વાઘેલા
આ ખર્ચ કર્યા બાદ પણ અમેરિકા ભારત માટે તેની વિઝા પોલીસી બદલશે નહીં. શા માટે સરકાર આટલો ખર્ચ કરી રહી છે? આ પૈસાનો ખર્ચ ગુજરાતની હોસ્પિટલો અને શાળાઓ બનાવવા માટે કરવામાં આવે તો વધુ સારું રહેશે. શંકરસિંહે ટ્રમ્પના આ પ્રવાસને શો બાજી અને તાયફો ગણાવ્યો છે.