સુરત: લોકડાઉનના કારણે શહેરના લસકાણા વિસ્તારમાં રહેતા ઓડિશાના શ્રમિકોને ભોજન નહીં મળતા રસ્તા પર ઉતરી આવ્યા હતા. ત્યાર બાદ કેન્દ્રીય પ્રધાન ધર્મેદ્ર પ્રધાને રાજ્યના મુખ્ય પ્રધાન વિજય રૂપાણીને ઓડિશાના શ્રમિકો માટે ભોજનની વ્યવસ્થા કરવા રજુઆત કરી હતી. તેથી તેઓ માટે ભોજનની વ્યવસ્થા કરવામાં આવી હતી પરંતુ ઓડિશાના કારીગરોને ગુજરાતી ભોજન નહીં ફાવતું હોવાથી ઉડીયા સમાજના આગેવાનો આગળ આવ્યા છે. જેથી હવે તેઓ માટે ઓડિશાની વાનગીઓ તૈયાર કરવામાં આવી રહી છે. જેમાં દરરોજ 10 હજારથી વધુ લોકોને ભોજનમાં ભાત અને દાળ આપવામાં આવે છે.
સુરત કેન્દ્રીય પ્રધાનની રજુઆતથી ઓડિશા શ્રમિકોને મળ્યુ મનગમતું ભોજન