વડાપ્રધાનને જાણ કરી છે, હવે ઇન્જેક્શનનો સ્ટોક આવી ગયો છે: સી.આર.પાટીલ

સુરતમાં મ્યુકોરમાઇકોસીસને ગુજરાત સરકારે મહામારી જાહેર કરી છે. આ વચ્ચે ગુજરાતમાં મ્યુકોરમાઇકોસીસના દર્દીઓ માટે આ વર્ષે કે ઇન્જેક્શનની ભારે અછત સર્જાઈ છે. આ વચ્ચે ભાજપના પ્રદેશ પ્રમુખ સી.આર. પાટીલે જણાવ્યું છે કે, આ અંગે તેઓએ પોતે વડાપ્રધાન નરેન્દ્ર મોદીને રજૂઆત કરી હતી અને ત્યારબાદ ઇન્જેક્શનનો જથ્થો ગુજરાત આવી ગયો છે અને દર્દીઓને ઇન્જેક્શનની કોઈપણ પ્રકારની અછત સર્જાશે નહીં.

• ગુજરાતમાં મ્યુકોરમાઇકોસીસના દર્દીઓ
• ગંભીરતા જોઈ તેને મહામારી જાહેર કરી
• દર્દીઓને ઇન્જેક્શનની કોઈપણ પ્રકારની અછત સર્જાશે નહીં

સુરત:જિલ્લાના એક કાર્યક્રમમાં હાજર રહેલા ભાજપ પ્રદેશ પ્રમુખ સી.આર. પાટીલે જણાવ્યું હતું કે, બે દિવસ પહેલા વાવાઝોડાંથી અસરગ્રસ્ત વિસ્તારના નિરીક્ષણ માટે આવેલા વડાપ્રધાન નરેન્દ્ર મોદી સાથે અમદાવાદ એરપોર્ટ ખાતે અધિકારીઓ સાથે અનેક ચર્ચા વિચારણા થઇ હતી. આ વચ્ચે મને પણ તક મળી હતી. તેમની સાથે વાતચીત કરવા માટે ત્યારે ગુજરાતની સ્થિતિ અંગે તેમને જાણ કરી હતી કે, મ્યુકોરમાઇકોસીસના રોગના ઇન્જેક્શન મળી રહ્યા નથી. જેથી લોકો પોતાની આંખ અને જીવ ગુમાવી રહ્યા છે. લોકોના મનમાં ભય જોવા મળી રહ્યો છે. જેથી ઇન્જેક્શનની જરૂરિયાત છે. વડાપ્રધાન મોદીએ તેમણે કહ્યું હતું કે, આ અંગે તેઓ કેન્દ્રીય પ્રધાન મનસુખ માંડવિયા સાથે વાતચીત કરે.

આ પણ વાંચો: મ્યુકર માઇકોસીસની સારવાર કરવી હોય તો સરકારી હોસ્પિટલમાં દાખલ થવું જરૂરી

ગંભીરતા જોઈ તેને મહામારી જાહેર કરી

વધુમાં પાટીલે જણાવ્યું હતું કે, વડાપ્રધાન સાથે ચર્ચા બાદ જ્યારે સી.આર.પાટીલ કેન્દ્રીય પ્રધાન મનસુખ માંડવીયાને આ અંગે ફોન કર્યો હતો. તે પહેલા જ વડાપ્રધાન નરેન્દ્ર મોદી દ્વારા તેમને સૂચના આપી દેવામાં આવી હતી. મનસુખ માંડવિયાએ સી.આર. પાટીલને જણાવ્યું હતું કે, તેમને સૂચના મળી ગઈ છે. ગુજરાતને જે ઇન્જેક્શન જોઈએ, તે મળી જશે. રાત્રે વાત થઈ અને બીજા દિવસે જ ઇન્જેક્શનનો સ્ટોક ગુજરાત સરકારને આપી દેવામાં આવ્યો. એક દર્દીને રોજે ઈન્જેક્શન આપવામાં આવતું હોય છે. 300થી લઈને 400 ઈન્જેક્શનનો કોર્ષ કરવું પડતો હોય છે અને હવે આ ઇન્જેક્શનની અછત લોકોને થશે નહીં. વડાપ્રધાને રોગની ગંભીરતા જોઈ તેને મહામારી જાહેર કરી છે.

આ પણ વાંચો: મ્યુકર માઇકોસીસના ઇન્જેક્શનની કાળા બજારીને લીધે હોસ્પિટલ બહાર દર્દીઓની લાઇન