સુરતમાં કારચાલકે એક્ટિવાચાલકને અડફેટે લીધો

સુરતના સરથાણા વિસ્તારમાં આવેલી વોઈસરોય બિલ્ડીંગ પાસે હિટ એન્ડ રનની ઘટના સામે આવી છે. અહીં બ્લેક કલરની ફોર્ચ્યૂન કારે એક એક્ટિવાને અડફેટે લેતા એક્ટિવાચાલક 20થી 30 ફૂટ સુધી ઢસેડાયો હતો, જેના કારણે તેને બંને હાથમાં ફેક્ચર અને માથાના ભાગે ગંભીર ઈજા પહોંચી છે. હાલમાં આ એક્ટિવાચાલકને હોસ્પિટલ દાખલ કરાયો છે.

• કારચાલક હંમેશા નશામાં લોકોને મારે છે ટક્કર
• પોલીસે સ્થાનિકોના કહેવા પ્રમાણે કારચાલકની કરી ધરપકડ
• કારચાલકે એક્ટિવાચાલકને ટક્કર મારતા ગંભીર ઈજા પહોંચી

આ પણ વાંચોઃધાનેરા પાસે બે બાઈક વચ્ચે અકસ્માત, 1નું મોત

સુરતઃ કાર અને એક્ટિવા વચ્ચેના અકસ્માત અંગે સ્થાનિકોનું કહેવું છે કે, કારચાલક હંમેશા નશામાં જ હોય છે. કારચાલક નીમેશ બાબુ સાકરિયા (રહે. શાંતિનગર- 2, પ્લોટ નંબર 143 સરથાણા) હંમેશા દારૂના નશામાં જ હોય છે અને હંમેશા આજુબાજુ વિસ્તારમાં ફરતો જ રહે છે. ત્યારે સરથાણા પોલીસે આરોપી કારચાલક નીમેશ બાબુ સાકરિયા સામે ફરિયાદ નોંધી તપાસ હાથ ધરી છે.

આ પણ વાંચોઃસુરતમાં હિટ એન્ડ રન: મર્સિડિઝે સાયકલ, બાઇક અને ઓટોરિક્ષાને અડફેટે લેતા એકનું મોત

સ્થાનિકોએ કારચાલકને રોક્યો પણ તે ભાગી ગયો
આ અંગે મળતી માહિતી અનુસાર, સાગર યોગી નામનો યુવક યોગી ચોક તરફ જઈ રહ્યો હતો. તે દરમિયાન પાછળથી પૂરઝડપે આવતી કારે તેને ટક્કર મારી હતી, જેના કારણે તે 20થી 30 ફૂટ સુધી ઘસેડાયો હતો. ત્યારબાદ કારચાલક ત્યાંથી ભાગી ગયો હતો. સ્થાનિકોએ કારચાલકને રોક્યો પણ હતો, પરંતુ તે નશાની હાલતમાં જ ત્યાંથી ભાગી ગયો હતો. સ્થાનિકોએ પોલીસને જણાવ્યું હતું કે, કારચાલક નીમેશ સાકરિયા હંમેશા નશામાં રહે છે અને લોકોને અડફેટે લે છે. પોલીસે આરોપીની કાર કબજે કરી આરોપી સામે ફરિયાદ નોંધી છે.