સુરતઃ ઉધના વિસ્તારમાં આવેલા ભાઠેના અમનનગર પાસે પ્લાસ્ટિકના ફોઈલસ બનાવની ફેક્ટરીના ગોડાઉનમાં અચાનક આગ લાગી હતી. આગ લાગવાની સાથે જ ત્યાં કામ કરતા બધા જ કામદારોમાં અફરા તફરીનો માહોલ જોવા મળ્યો હતો.
ઇજાગ્રસ્તોને હોસ્પિટલમાં ખસેડવામાં આવ્યાં
આ આગની ઘટનામાં બે કામદારોને પગે અને હાથે ઇજા થઇ હતી. કામદારોનો દોડધામ એટલો હતી કે બે કામદારોને ખબર નહી પડી કે એમને હાથ અને પગમાં ઇજા થઇ છે. કામદારોને 108 એમ્બ્યુલન્સ મારફતે ખાનગી હોસ્પિટલમાં ખસેડવામાં આવ્યા છે. હાલ બીજી કોઈ જાનહાનિ થઈ નથી.
આગ લાગવાનું કારણ અકબંધ
ફાયર વિભાગ દ્વારા આગને સંપૂર્ણપણે કાબૂમાં લીધા બાદ તેને કોલિંગનું કામ હાલ ચાલી રહ્યું છે. પ્લાસ્ટિકની ફેક્ટરી હોવાથી બહાર રોડ ઉપર સફેદ પાણી બહાર આવી રહ્યું હતું. હાલ ફાયર વિભાગ, ઈલેક્ટ્રીક વિભાગે અંદર જઈને આગ લાગવાની સમીક્ષા કરી હતી. તેમ છતાં હજી આગ કઈ રીતે લાગી એ બહાર આવ્યું નથી. ફાયર વિભાગ દ્વારા હાલ આ ફેકટરીમાં ફાયર NOC હતી કે ન હતી તેની તેમજ આગ કઈ રીતે લાગી તેની તપાસ કરવામાં આવી રહી છે.