રાજકોટમાં મહિલા તસ્કર ગેંગ સક્રિય, ઘટના CCTVમાં કેદ

રાજકોટમાં મહિલા દ્વારા વેપારીને વાતોમાં ફોસલાવીને જ્વેલર્સની દુકાનમાંથી અંદાજિત ત્રણ કિલો જેટલા ચાંદીની ઉઠાંતરી કરવામાં આવે છે. આ સમગ્ર મામલે શહેરના A ડિવિઝન પોલીસ મથકમાં ફરિયાદ નોંધવામાં આવી છે. જેને લઇને પોલીસ દ્વારા મહિલા ગેંગ અંગેની વધુ તપાસ શરૂ કરવામાં આવી છે.

• રાજકોટમાં મહિલા તસ્કર ગેંગ સક્રિય
• જવેલર્સની દુકાનમાંથી 3 કિલો ચાંદીની કરી ચોરી
• ચોરીના આ સમગ્ર ઘટના CCTVમાં કેદ

રાજકોટ: રંગીલા રાજકોટમાં હવે મહિલા ગેંગ સક્રિય થઇ છે. જેના દ્વારા શહેરની અલગ અલગ દુકાનોમાં તસ્કરી કરવામાં આવી રહી છે. આવી જ એક ઘટના રાજકોટના સોની બજાર વિસ્તારમાં આવેલી જ્વેલર્સની દુકાનમાં સામે આવી છે. જેમાં મહિલા દ્વારા વેપારીને વાતોમાં ફોસલાવીને જ્વેલર્સની દુકાનમાંથી અંદાજિત ત્રણ કિલો જેટલા ચાંદીની ઉઠાંતરી કરવામાં આવે છે. આ સમગ્ર મામલે રાજકોટના A ડિવિઝન પોલીસ મથકમાં ફરિયાદ નોંધવામાં આવી છે. જેને લઇને પોલીસ દ્વારા મહિલા ગેંગ અંગેની વધુ તપાસ શરૂ કરવામાં આવી છે.

3 કિલો ચાંદીના દાગીનાની દુકાનમાંથી કરી ઉઠાંતરી

રાજકોટના સોની બજાર વિસ્તારમાં આવેલી શક્તિ જ્વેલર્સ નામની દુકાનમાં બપોરના સમયે 4 જેટલી મહિલાઓ ઘરેણાંની ખરીદી કરવા માટે આવી હતી. મહિલાઓ ચાંદીની અલગ-અલગ આઈટમો ચેક કરવાના બહાને વેપારીને દાગીના બતાવવામાં વ્યસ્ત રાખી એક મહિલા વેપારીની નજર ચૂકવી દાગીના ભરેલો કબાટ ખુલ્લો હોવાથી, એમાંથી 3 કિલો ચાંદીના દાગીના ભરેલો એક ડબ્બો ચોરી કરી નાસી ગઈ હતી. આ મહિલાઓની સમગ્ર ઘટના અહીં દુકાનમાં લગાવામાં આવેલા કેમેરા કેદ થઈ હતી. જેના આધારે રાજકોટ પોલીસ દ્વારા ગુન્હો નોંધવામાં આવ્યો છે.

આ પણ વાંચો:સૌરાષ્ટ્ર યુનિવર્સિટી શિક્ષણ જગતમાં વધુ એક વખત થઈ શર્મસાર, 5 જેટલી મળી ખાલી બોટલ

વેપારીએ પોલીસ ફરિયાદ નોંધાવી

સોની બજારમાં દુકાનમાં 3 કિલો જેટલા ચાંદીની ઉઠાંતરી કરવામાં આવી હોવાનું સામે આવ્યું છે. આ ઘટનાને લઇને દુકાનના વેપારીએ CCTV ફુટેજના આધારે પોલીસ ફરિયાદ નોંધાવી છે. જેમાં જવેલર્સના વેપારી અનિલ મુંધવાએ આ સમગ્ર મામલે રાજકોટના A ડિવિઝન પોલીસ મથકમાં ફરિયાદ નોંધાવતા જણાવ્યું હતું કે, હું જ્યારે બપોરના સમયે જવા માટે ગયો ત્યારે મારા ભાગીદાર અહીં બેઠા હતા અને આ ઘટના તે દરમિયાન બની છે. જ્યારે પોલીસ દ્વારા પણ આ મામલે ફરિયાદ નોંધીને વધુ કાર્યવાહી હાથ ધરવામાં આવી છે.