રાજકોટ: શહેરમાં કોરોનાના કહેરે વધુ 21 જિંદગીઓનો ભોગ લીધો છે. શુક્રવારે રાજકોટની સરકારી હોસ્પિટલોમાં 20 દર્દીઓ તેમજ ખાનગી હોસ્પિટલોમાં 1 દર્દીનું કોરોનાના કારણે મોત થયું છે.
રાજકોટમાં શુક્રવારે કોરોનાના વધુ 21 દર્દીઓના મોત, પોઝિટિવ કેસનો આંક 2 હજારને પાર - News of Rajkot city
રાજકોટમાં કોરોનાના કહેર વચ્ચે શુક્રવારે 21 દર્દીઓના મોત થતા હાહાકાર મચી ગયો છે. રાજકોટ સિવિલ હોસ્પિટલમાં 20 અને ખાનગી હોસ્પિટલમાં 1 દર્દીનું મોત થયું છે. ઉપરાંત શહેરમાં કોરોના સંક્રમિતોનો આંકડો પણ 2 હજારને પાર થઇ ગયો છે.
રાજકોટમાં શુક્રવારે વધુ 21 કોરોના દર્દીઓના મોત, પોઝિટિવ કેસ 2 હજારને પાર
મૃતકોમાં રાજકોટ શહેરના 13, જ્યારે ગોંડલના 3, જસદણ, ધોરાજી, બીલખા, કેશોદ અને ભાયાવદરના 1-1 દર્દીઓનો સમાવેશ થાય છે. આ સાથે જ રાજકોટ શહેરમાં કોરોના કેસનો આંક 2 હજારને પાર થઈ ગયો છે. રાજકોટમાં શુક્રવારે વધુ 44 પોઝિટિવ કેસ નોંધાયા છે જેથી કુલ સંક્રમિતોનો આંક 2038 થયો છે.
રાજકોટ શહેરની વાત કરીએ તો અત્યાર સુધીમાં 1063 પોઝિટિવ કેસ નોંધાયા છે. જ્યારે કોરોનાનો રિકવરી રેટ 53.30 ટકા નોંધાયો છે. અત્યાર સુધીમાં રાજકોટમાં 23,449 જેટલા દર્દીઓનો કોરોના ટેસ્ટ કરવામાં આવ્યો હોવાનું જાણવા મળ્યું છે. ઉલ્લેખનીય છે કે ચોમાસાની શરૂઆત થતાની સાથે જ રાજકોટ શહેર અને ગ્રામ્ય વિસ્તારોમાં કોરોનાના કેસમાં જબરો ઉછાળો જોવા મળ્યો છે.