કોરોનાને કારણે લુહારની હાલત કફોડી, છેલ્લા 50 વર્ષમાં ન આવી હોય તેવી પરિસ્થિતિ ઉભી થઈ

કોરોનાના કારણે ભારત સહિતના અનેક દેશોની અર્થવ્યવસ્થા ભાંગી પડી છે, ત્યારે હાલ સામાન્ય લોકોનું જનજીવન પણ આર્થિક રીતે મુશ્કેલીમાં મૂકાયું છે. એવામાં ETV Bharat દ્વારા લોખંડના ઓજારો બનાવતા વેપારીઓ સાથે વાતચીત કરવામાં આવી હતી. જેમાં તેમણે જણાવ્યું હતું કે છેલ્લાં 50 વર્ષમાં આવી પરિસ્થિતિ જોઈ નથી.

• કોરોનાના કારણે ધંધો ઠપ્પ
• છેલ્લા 50 વર્ષમાં આવી પરિસ્થિતિ નથી આવી
• રાજકોટના કંસારા બજારના વેપારીઓએ જણાવી આપવીતી

રાજકોટ: કોરોનાના કારણે ભારત સહિતના અનેક દેશોની અર્થવ્યવસ્થા ભાંગી પડી છે, ત્યારે હાલ સામાન્ય લોકોનું જનજીવન પણ આર્થિક રીતે મુશ્કેલીમાં મૂકાયું છે. એવામાં ETV Bharat દ્વારા લોખંડના ઓજારો બનાવતા વેપારીઓ સાથે વાતચીત કરવામાં આવી હતી. જેમાં તેમણે જણાવ્યું હતું કે છેલ્લાં 50 વર્ષમાં આવી પરિસ્થિતિ જોઈ નથી, જે કોરોનાના કારણે ગત દોઢ વર્ષમાં ઉદભવી છે. રાજકોટમાં 50 વર્ષથી વધુ સમયથી વાસણો, ખેતીના ઓજારો, કેટરિંગના ઓજારો, ડેરી ફાર્મના સાધનો સહિતની વસ્તુઓનું ઉત્પાદન કરીને વહેંચતા દુકાન વેપારીએ કોરોનાકાળની પરિસ્થિતિ દરમિયાન પોતાની આપવીતી ETV Bharatને વર્ણવી હતી.

આ પણ વાંચોઃ કોરોનાના કારણે પાંચ હજાર કરોડની ઇન્ડસ્ટ્રી બની શકે છે મૃતપાય

છેલ્લા 50 વર્ષમાં આવું પહેલી વાર જોયું- વેપારી

રાજકોટના કંસારા બજારમાં છેલ્લા 50 વર્ષથી વધુ દુકાન ધરાવતા અને પોતાનું જ પ્રોડકશન ધરાવતા શબ્બીરભાઈએ જણાવ્યું હતું કે,ગત 50 વર્ષથી હું અહીંયા ધંધો કરું છું. મારા પિતાજી તેમજ મારા દાદાજી વખતની આ દુકાન છે, પરંતુ કોરોનાના કારણે ગત દોઢ મહિનાથી અમારો તૈયાર થયેલો માલ પણ ગોડાઉનમાં જ પડી રહ્યો છે. અમે આ વસ્તુઓ બનાવ માટે જે નાણાંનું રોકાણ કર્યું છે તે નાણાં પણ કોરોનાની આ પરિસ્થિતિના કારણે હજુ પણ એમનેએમ ફસાયેલા છે. કોરોનાના કારણે ગત 50 વર્ષમાં આવી પહેલીવાર પરિસ્થિતિનો અમે સામનો કરી રહ્યા છીંએ.

આ પણ વાંચોઃ કોરોના મહામારીની વડોદરા રેલવે સ્ટેશન ખાતે આવેલી કેન્ટીન અને સ્ટોલ પર શું અસર પડી ?

અત્યારે 10 ટકા ગ્રાહકો માંડ આવી રહ્યા છે

વેપારી સબીરભાઈએ જણાવ્યું હતું કે કોરોના પહેલા અમારો ધંધો રેગ્યુલર ચાલુ હતો અને દરરોજ ગ્રાહકો પણ મોટી સંખ્યામાં આવતા હતા, પરંતુ ગત દોઢ વર્ષથી ગ્રાહકોની સંખ્યા તૂટી છે, જ્યારે લોકડાઉનના કારણે સમય મર્યાદા હોવા છતાં મોટા ભાગના ગ્રાહકો આવી નથી રહ્યા હતા. હાલમાં દુકાને 10 ટકા ગ્રાહકો પણ માંડ માંડ આવી રહ્યા છે, જ્યારે અમારું હાલમાં મેન્ટેનન્સ પ્રોડક્શન માયેના કારીગરોનો ખર્ચો સહિતની તમામ બાબતોનું ધ્યાન રાખીને ધંધો કરવો પડે છે, પરંતુ હાલ આર્થિક સમસ્યાના કારણે અમારો ધંધો પડી ભાંગ્યો છે. હવે અમે માત્ર સરકાર પાસેઆશા રાખીને બેઠા છીંએ.

આ પણ વાંચોઃ છેલ્લા એક વર્ષથી ટૂર્સ એન્ડ ટ્રાવેલ્સ ઉદ્યોગને કોરોના સંક્રમણને કારણે થઇ રહ્યું છે નુકસાન

ખેતવાડીના ઓજારોનો ભાવ પણ વધ્યો

રાજકોટના કંસારા બજારમાં છેલ્લા 40 વર્ષથી વેપાર કરતા બુરાનભાઈ નામના વેપારીએ ETV Bharatને જણાવ્યું હતું કે હાલ કોરોના આવતા અમારા 10થી 15 ટકા ગ્રાહકો રેગ્યુલર રહ્યા છે, જ્યારે મોટાભાગના ગ્રાહકો તૂટી ગયા છે. અમે વર્ષોથી ખેતીવાડીમાં ઉપયોગમાં લેવાતા ઓજારો બનાવીએ છીંએ. જેનો ભાવ પણ હાલ વધ્યો છે, હવે ભાવ વધતા મોંઘવારી વધે છે. જેના કારણે પણ ખેડૂતો આ ઓઝારો લેવા આવતા નથી. એટલે અમે સરકાર પાસે માત્ર એક જ માગણી કરીએ છીએ કે અમારો જે વેપારનો ધંધાનો ટાઈમ છે તે રેગ્યુલર કરી આપવામાં આવે. જેના કારણે અમે અમારો ધંધો બચાવી શકીએ.