રાજકોટ તંત્ર દ્વારા અમુલ પ્લાન્ટ માટે ગઢકા નજીક જમીન ફાળવાઇ

રાજકોટમાં આગામી દિવસોમાં અમુલ દ્વારા પ્લાન્ટ સ્થાપવામાં આવવાનો છે. જેને લઇને વહીવટી તંત્ર દ્વારા જમીનની પ્રક્રિયાઓ શરૂ કરવામાં આવી છે. અગાઉ રાજકોટ વહિવટીતંત્ર (Rajkot administration) દ્વારા અમુલ પ્લાન્ટ (Amul plant) માટે રાજકોટ જિલ્લાના આણંદપર ગામ ખાતે જમીનની આપવાની કાર્યવાહી કરાઈ હતી પરંતુ આ જમીન કોઈ કારણોસર અમુલને પસંદ નહિ આવતા તેની જગ્યાએ વહીવટીતંત્ર દ્વારા ગઢકા નજીક જમીનની આપવાની પ્રક્રિયા હાથ ધરાઈ છે. જ્યારે અમૂલને પણ આ જમીન પસંદ હોય આગામી દિવસોમાં હવે આ જમીનને લઇને કાયદાકીય પ્રક્રિયા કરવામાં આવશે.

• રાજકોટ કલેકટર દ્વારા એક સમિતિ બેઠક બોલાવવામાં આવશે
• રાજ્ય સરકારની મંજૂરી બાદ વિવિધ પ્રક્રિયા હાથ ધરવામાં આવશે
• અમૂલને ગઢકા નજીક 100 એકર જમીન અપાશે

રાજકોટ: ત્યારબાદ આ જમીન ઉપર અમૂલનો પ્લાન્ટનું (Amul plant) નિર્માણ કરવામાં આવશે. હાલ માત્ર જમીનની પસંદગી કરાય છે ત્યારે આગામી દિવસોમાં રાજ્ય સરકારની મંજૂરી બાદ વિવિધ પ્રક્રિયા હાથ ધરવામાં આવનાર છે.આગામી દિવસોમાં અમુલ દ્વારા રાજકોટ જિલ્લામાં પ્લાન્ટ નાખવા માટેની પ્રક્રિયા હાથ ધરવામાં આવનાર છે. જેને લઇને વહીવટીતંત્ર દ્વારા અમુલ પ્લાન્ટ (Amul plant) માટે ગઢકા નજીક જમીન ફાળવવામાં આવી છે. જે જમીન હવે તેમને પસંદ આવતા ત્યારબાદ આ જમીનને લેવાની કાયદાકીય કાર્યવાહી કરવામાં આવશે. આ મામલે કલેકટર તંત્ર પાસેથી મળતી વિગતો મુજબ હવે આ જમીનની કિંમત નક્કી કરવા માટે રાજકોટ કલેકટર (Rajkot Collector) દ્વારા એક સમિતિ બેઠક બોલાવવામાં આવશે. જેમાં તમામ અધિકારીઓ ઉપસ્થિત રહેશે અને જમીનને અંગેનો જંત્રી ભાવ નક્કી કરશે. ત્યારબાદ તેને રાજ્ય સરકારમાં મોકલવામાં આવશે.

પ્રતિ ચોરસ મીટર રૂપિયા 1000 ભાવ નક્કી કરાય તેવી પણ શક્યતાઓ

રાજકોટ વહીવટીતંત્ર ( (Rajkot administration) દ્વારા અમૂલને પહેલા આણંદપર ખાતેની જમીન પ્લાન્ટ માટે જમીન આપવામાં આવનાર હતી પરંતુ આ જમીન અમૂલને મોંઘી પડતા વહીવટી તંત્ર દ્વારા ગઢડા ખાતે જમીન બતાવવામાં આવી હતી. જે જમીન અમુલને પણ પસંદ પડતા હવે તેના ભાવની નક્કી કરવામાં માટેની પ્રક્રિયા હાથ ધરવામાં આવનાર છે. ત્યારે એવું માનવામાં આવી રહ્યું છે કે જંત્રી ભાવ જમીનનો રૂપિયા 520 છે. જ્યારે આ જમીનની ખરીદી પર પ્રતિ ચોરસ મીટર રૂપિયા 1000 ભાવ નક્કી કરાય તેવી પણ શક્યતાઓ છે પરંતુ આગામી દિવસોમાં જિલ્લા કલેકટર કચેરી ખાતે આ મામલે બેઠક મળશે અને તેમાં જે ભાવ નક્કી થશે તે મુજબ અમુલ પ્લાન્ટ માટેની જમીનનો ભાવ રહેશે.

આ પણ વાંચો:KBC 13: હોટ સીટ પર બેઠેલા બાળકે એક અજીબોગરીબ ચેલેન્જ આપી, જેને બિગ બી પૂરી કરી શક્યા નહીં

આ પણ વાંચો:ગૌતમ ગંભીરે ભારતના પૂર્વ કોચ રવિ શાસ્ત્રીની ટીકા કરી