ભાજપમાં વિખવાદ! પાટીલ રાજકોટના પ્રવાસે, પણ એકેય કાર્યક્રમમાં હાજર જોવા ન મળ્યા રૂપાણી

રાજકોટ ભાજપ (rajkot bjp)માં બધુ સમુંસૂતરું ન હોવાનું જણાઈ રહ્યું છે. રૂપાણી (vijay rupani) જૂથથી સાંસદ રામ મોકરિયા (rambhai mokariya) નારાજ હોવાનું સામે આવ્યું છે. તો બીજી તરફ ભાજપના પ્રદેશ અધ્યક્ષ સી.આર. પાટીલે (BJP state president C.R. Patil) રાજકોટ (rajkot)ની મુલાકાત દરમિયાન ભાજપ (bjp)માં કોઈપણ જૂથવાદ (groupism) ન હોવાનું કહ્યું છે.

• રૂપાણી જૂથ સામે સાંસદ રામ મોકરિયા નારાજ
• આમંત્રણ પત્રિકા અને બેનર્સના નામને લઈને રાજકોટ ભાજપમાં ડખો
• આંતરિખ વિખવાદની અસર આગામી ચૂંટણીમાં દેખાશે

રાજકોટઃ ભાજપના પ્રદેશ અધ્યક્ષ સી.આર. પાટીલ BJP state president C.R. Patil) આજે રાજકોટ (rajkot)ની મુલાકાતે છે. પાટીલ રાજકોટની મુલાકાતે આવે તે અગાઉ જ રાજકોટ શહેર ભાજપનો આંતરિક વિવાદ (BJP's internal dispute) ચર્ચાનું કેન્દ્ર બન્યો હતો. રૂપાણી જૂથ સામે સાંસદ રામ મોકરિયા (rambhai mokariya) અચાનક ઉકળી ઉઠ્યા હતા. આ બધાની વચ્ચે આમંત્રણ પત્રિકામાં પણ નામોનો વિવાદ વકર્યો હતો. ત્યારબાદ આજે સી.આર. પાટીલ (c r patil) આવતા અગાઉના વિવાદો ચર્ચાસ્પદ બને તેવી પણ શક્યતાઓ હતી.

ભાજપમાં જૂથવાદ ન હોવાનો પાટીલનો દાવો

આ સમગ્ર મામલે પાટીલે નિવેદન આપ્યું હતું કે, ભાજપમાં કોઈપણ જૂથવાદ (groupism in bjp) નથી અને કમલેશ મીરાણી (kamlesh mirani)ના નેતૃત્વમાં રાજકોટ ભાજપ સારી રીતે કામ કરી રહ્યું છે. મુખ્યપ્રધાન પદ પરથી રાજીનામું આપ્યા બાદ રૂપાણી (vijay rupani) રાજકોટમાં સમયાંતરે આવી રહ્યા છે અને વિવિધ કાર્યક્રમોમાં હાજરી આપી રહ્યા છે. અઠવાડિયા અગાઉ પણ શહેર ભાજપનો સ્નેહમિલન કાર્યક્રમ રૂપાણીની હાજરીમાં યોજાયો હતો અને આ કાર્યક્રમમાં રૂપાણી ધારાસભ્ય ગોવિંદ પટેલ (mla govind patel)ને જાહેરમાં આક્રમક સ્વરૂપમાં કંઈક કહેતા નજરે પડ્યા હતા.

રૂપાણી ગોવિંદ પટેલને આમંત્રણ પત્રિકામાં નામને લઈને કંઈક કહેતા જોવા મળ્યા હતા.

આમંત્રણ પત્રિકામાં નામને લઇને વાંધો પડ્યો?

આ વાત ચાલું હતી અને સાંસદ રામ મોકરિયા પણ રૂપાણી પાસે પહોંચ્યા હતા અને તેઓ કંઈ કહે તે પહેલાં જ રૂપાણીએ તેમને જગ્યા પર બેસી જવા માટે કહ્યું હતુ. આમ મોકરિયા રૂપાણી જૂથ સામે ખુલીને બહાર આવ્યાનું સામે આવ્યું હતું. જ્યારે રૂપાણી ગોવિંદ પટેલને આમંત્રણ પત્રિકામાં નામને લઈને કંઈક કહેતા જોવા મળ્યા હતા. જ્યારે પાટીલે રાજકોટમાં પત્રકારો સાથેની વાતચીત દરમિયાન નિવેદન આપ્યું કે, રાજકોટ ભાજપમાં કોઈપણ પ્રકારનો જૂથવાદ નથી. જ્યારે આમંત્રણ પત્રિકા અને બેનર્સના નામને લઈને પાટીલે કહ્યું કે, જ્યારે હું એરપોર્ટથી આવતો હતો તે દરમિયાન મેં તમામ નાના-મોટા કાર્યકર્તાઓ અને નેતાઓના નામ મારા સ્વાગત માટે જોયા છે. આવો કોઈપણ વિવાદ નથી.

રૂપાણીને સ્ટાર પ્રચારક ગણાવ્યા

રૂપાણી અંગે સી.આર. પાટીલે જણાવ્યું હતું કે, પૂર્વ CM વિજય રૂપાણી અમારા સ્ટાર પ્રચારક છે અને આગામી ચૂંટણીમાં પણ તેઓ સ્ટાર પ્રચારક રહેશે. જો કે સી.આર. પાટીલ આજે રાજકોટ ખાતે વિવિધ કાર્યક્રમમાં હાજર હતા, ત્યારે રૂપાણી એકપણ કાર્યક્રમમાં જોવા મળ્યા નહોતા. રાજ્યસભાના સાંસદ રામ મોકરિયા તાજેતરમાં જ વિવિધ કાર્યક્રમમાં હાજરી આપતા નજરે પડી રહ્યા છે. રૂપાણી સરકારના રાજીનામા બાદ મોકરિયા સૌરાષ્ટ્ર યુનિવર્સિટીમાં કૌભાંડ બહાર આવતા ત્યાં દોડી ગયા હતા. આ મામલે પ્રદેશને પણ રજૂઆત કરી છે. આ સાથે જ તેમને શહેર ભાજપ કાર્યાલયમાં પણ ઓફિસ ફળવામાં આવી છે.

અઠવાડિયા અગાઉ શહેર ભાજપનો સ્નેહમિલન કાર્યક્રમ રૂપાણીની હાજરીમાં યોજાયો હતો.

રાજકોટ ભાજપનું ગઢ

મોકરિયાએ અગાઉ આક્ષેપ કર્યો હતો કે કેટલાક જુઠવાદના કારણે તેમને ભાજપના કાર્યકર્તાઓને મળવા દેવામાં આવતા નથી, પરતું પછી તેઓએ એવું કંઈ નહીં હોવાનું મીડિયાને જણાવ્યું હતું. રાજ્યમાં અત્યાર સુધીની વાત કરવામાં આવે તો સૌથી પહેલા હાલના વડાપ્રધાન નરેન્દ્ર મોદીને રાજકોટ બેઠક પરથી ચૂંટીને જે તે સમયના રાજ્યના મુખ્યપ્રધાન બનાવવામાં આવ્યા હતા. ત્યારબાદ રાજકોટના હાલના ધારાસભ્ય અને પૂર્વ CM વિજય રૂપાણી પણ રાજકોટના જ છે. તેઓએ પણ પોતાની સરકારના 5 વર્ષ પૂર્ણ કરીને તાજેતરમાં જ પદ પરથી રાજીનામું આપ્યું છે. રાજકોટને ભાજપનું ગઢ માનવામાં આવે છે અને ત્યાં આવી ભાજપની આંતરિક લડાઈ સામે આવતા હાલ તેના પડઘા રાજ્યના રાજકારણમાં જોવા મળી રહ્યા છે. તેમજ આવનાર વિધાનસભાની ચૂંટણી પર પણ તેની અસર વર્તાશે.

સૌરાષ્ટ્ર-કચ્છમાં વિધાનસભાની 56 બેઠક

2012માં સૌરાષ્ટ્ર-કચ્છમાં વિધાનસભાની કુલ 56 બેઠકો પૈકી 36 બેઠકો ભાજપે જીતી હતી. જ્યારે કોંગ્રેસના ફાળે માત્ર 17 બેઠકો આવી હતી. જ્યારે વર્ષ 2017ની ચૂંટણી આવતા સૌરાષ્ટ્રમાં પરિવર્તનનો પવન ફૂંકાઈ ચૂક્યો હતો. તેમજ કોંગ્રેસે સીધી ટક્કર આપી ભાજપ પાસેથી વિધાનસભાની 13 બેઠકો છીનવી લીધી હતી. આમ, 2017ની વિધાનસભાની ચૂંટણીમાં સૌરાષ્ટ્ર-કચ્છની 56 બેઠકો પૈકી ભાજપને ફાળે માત્ર 23 બેઠકો આવી હતી. જ્યારે 32 બેઠકો ઉપર પંજો ફરી વળ્યો હતો. તો 1 બેઠક NCPના ફાળે ગઈ હતી.

રાજકોટ વિધાનસભા બેઠકોના સમીકરણો બદલાઈ શકે છે: વરિષ્ઠ પત્રકાર

શહેર ભાજપનો આંતરિક વિવાદ ચરમસીમાએ જોવા મળી રહ્યો છે, ત્યારે આ અંગે રાજકોટના જાણીતા વરિષ્ઠ પત્રકાર સુરેશ પારેખે Etv Bharatને જણાવ્યું હતું કે હાલ જે પ્રકારનો જૂથવાદ જોવા મળ્યો છે. તેના કારણે આગામી દિવસોમાં રાજકોટમાં ભાજપના વિધાનસભાની ટિકિટ દરમિયાન ચહેરા બદલાઈ શકે છે, જેમાં જો વિજય ભાઈ અને પાટીલ વચ્ચેના સંબંધો સારા રહ્યા તો આગામી દિવસોમાં વિજયભાઈની બેઠક પરથી તેમના પત્ની અંજલિ રૂપાણી લડી શકે છે. આ સાથે જ હાલના ધારાસભ્ય ગોવિંદભાઈની જગ્યાએ પણ નવા ચહેરાને સ્થાન આપવામાં આવી શકે છે. આમ રાજકોટ માટે સમીકરણો બદલાઈ શકે છે. હાલ અરવિંદ રૈયાણી રાજ્ય સરકારના પ્રધાન છે એટલે તેમની આવતી ટર્મમાં ટિકિટ ફાઇનલ હોવાનું પણ લાગી રહ્યું છે, પરંતુ એ સ્પષ્ટ છે કે આગામી દિવસોમાં ઘણું બદલાઈ શકે છે.

આ પણ વાંચો: રાજકોટ ભાજપ સંગઠનમાં કોઈ પ્રશ્ન નથીઃ સી આર પાટીલ

આ પણ વાંચો:કેન્દ્રિય પ્રધાન રામદાસ આઠવલે જૂનાગઢની લીધી મુલાકાત, પાટીદાર સમાજ અને ડ્રગ્સ મુદ્દે આપ્યું નિવેદન