રાજકોટ ગ્રીનફીલ્ડ એરપોર્ટ નિર્માણ દરમિયાન ઉભી થતી અડચણો દૂર કરવા તંત્રની કવાયત

રાજકોટ-અમદાવાદ હાઇવે પર આવેલી હીરાસર ગામ નજીક આંતરરાષ્ટ્રીય કક્ષાનું ગ્રીનફીલ્ડ એરપોર્ટનું નિર્માણનું કામ શરૂ કરવામાં આવી રહ્યું છે, જ્યાં હાલ રન-વે બનાવવાની કામગીરી હાથ ધરવામાં આવી રહી છે, ત્યારે હજૂ પણ કેટલાક અવરોધ એરપોર્ટ નિર્માણના કામ દરમિયાન જોવા મળી રહ્યા છે. જેન તંત્ર દ્વારા વહેલી તકે દૂર કરીને એરપોર્ટનું કામ સમય મર્યાદામાં પૂર્ણ થાત તેવા પ્રયાસો હાલ હાથ ધરવામાં આવ્યા છે.

• રાજકોટ ગ્રીનફીલ્ડ એરપોર્ટ નિર્માણ દરમિયાન ઉભી થતી અડચણો દૂર કરવા તંત્રની કવાયત
• રન-વે બનાવવાની કામગીરી હાથ ધરવામાં આવી
• જૂના હીરાસર ગામનું કરવામાં આવશે સ્થળાંતર

રાજકોટઃ કેન્દ્ર સરકાર દ્વારા રાજકોટમાં આંતરરાષ્ટ્રીય કક્ષાના ગ્રીનફીલ્ડ એરપોર્ટ માટેની મંજૂરી આપ્યા બાદ હીરાસર ખાતે આ એરપોર્ટના કામ ગત 1 વર્ષથી શરૂ કરવામાં આવ્યું છે, જ્યાં હાલ રન-વે બનાવાની કામગીરી શરૂ કરવામાં આવી છે. આ એરપોર્ટ નિર્માણનું કામ ખાનગી કંપનીને સોંપવામાં આવ્યું છે, ત્યારે હાલ એરપોર્ટ નિર્માણને લઈને હીરાસર ગામનુ પણ સ્થળાંતર કરવાનો નિર્ણય તંત્ર દ્વારા કરવામાં આવ્યો છે.

ચેકડેમ તોડી પડાશે, પવનચક્કી દૂર કરાશે

રાજકોટ આંતરરાષ્ટ્રીય કક્ષાનું એરપોર્ટ માટેની જમીન અડધી રાજકોટ જિલ્લામાં અને કેટલીક સુરેન્દ્રનગર જિલ્લાની હદમાં આવે છે, ત્યારે એરપોર્ટ નિર્માણ દરમિયાન જમીન પર વચ્ચે આવતા ચેકડેમને પણ દૂર કરવામાં આવશે અને તેની જગ્યાએ અન્ય વૈકલ્પિક સુવિધા ઉપલબ્ધ કરાવાશે, જ્યારે ચોટીલાના કેટલાક વિસ્તારમાં પવનચક્કીઓ પણ એરપોર્ટ માટે અડચણ રૂપ થતી હોય તેને પણ હટાવવા કામગીરી કરાશે