- તાત્કાલિક સારવાર મળતા સિંહણની તબિયતમાં સુધારો
- એનિમલ કિ૫ર દ્વારા વેટરનરી ડોકટરને તાત્કાલિક જાણ કરી બોલાવવામાં આવ્યા
- સતત રાઉન્ડ કલોક સઘન સારવાર ચાલુ રાખવામાં આવી
રાજકોટ:રાજકોટ મહાનગરપાલિકા સંચાલિત પ્રદ્યુમ્ન પાર્ક ઝૂ ખાતે ગઈકાલે સોમવારના રોજ સવારે 8 કલાકે સિંહ વિભાગના એનિમલ કિ૫ર પોતાના નિયત સમયે ફરજ ૫ર જઇ દૈનિક ક્રિયા મુજબ તમામ પ્રાણીઓને ચેક કરતા સિંહણ રૂત્વી સુતેલી હાલતમાં જોવા મળી હતી. આ સિંહણને ઉભી કરવા છતા ૫ણ ઉભી ન થઇ શકતા એનિમલ કિ૫ર દ્વારા વેટરનરી ડોકટરને તાત્કાલિક જાણ કરી બોલાવવામાં આવ્યા હતા. વેટરનરી ડોકટર દ્વારા સિંહણને તપાસતા સિંહણના પૂછડીના મૂળના ભાગે સોજો હતો અને સિંહણ સુતેલી અવસ્થામાં હતી. પ્રાથમિક રીતે સિંહણને રાત્રી દરમિયાન ઝેરી સર્પદંશ થવાનું જણાઇ આવતા તેમને તાત્કાલિક સારવાર હેઠળ રાખવામાં આવી હતી.