રાજકોટની આજી નદી પર આવેલા ઓવરબ્રિજનું કોંગ્રેસે કર્યું લોકાર્પણ

રાજકોટ કોંગ્રેસ દ્વારા આજે સોમવારે શહેરના એક પુલનું લોકાર્પણ કરવામાં આવ્યું હતું. ત્યારબાદ છેલ્લા એક વર્ષથી આ બ્રિજનું કામ પૂર્ણ થયા બાદ પણ તંત્ર દ્વારા આ બ્રિજને ખુલ્લો મુકવામાં ન આવતા કોંગી આગેવાનોએ સ્થાનિકોને સાથે રાખીને બ્રિજને ખુલ્લો મૂકવામાં આવ્યો હતો

રાજકોટઃ રાજકોટની આજી નદી પર આવેલા ઓવરબ્રિજનું આજે મહાનગરપાલિકાના વિપક્ષી નેતા સહિતના કોંગી આગેવાનો દ્વારા લોકાર્પણ કરવામાં આવ્યું હતું. વર્ષ 2016માં રાજ્યના નાયબ મુખ્યપ્રધાન નિતીન પટેલ દ્વારા આ ઓવરબ્રિજનું ખાતમુહૂર્ત કરવામાં આવ્યું હતું.

ત્યારબાદ છેલ્લા એક વર્ષથી આ બ્રિજનું કામ પૂર્ણ થયા બાદ પણ તંત્ર દ્વારા આ બ્રિજને ખુલ્લો મુકવામાં ન આવતાં આજે કોંગી આગેવાનો સ્થાનિકોને સાથે રાખીને બ્રિજને ખુલ્લો મૂકવામાં આવ્યો હતો. રાજકોટ કોંગ્રેસના આગેવાનો દ્વારા બ્રિજનું લોકાર્પણ કરીને વાહનચાલકો અને રાહદારીઓના મોં પણ મીઠા કરાવ્યાં હતાં.