જૂનાગઢની સનરાઈઝ સ્કૂલ નવા સત્રથી થશે બંધ

જૂનાગઢના જવાહર રોડ પર આવેલી સનરાઈઝ સરકાર માન્ય ખાનગી પ્રાથમિક શાળા વિદ્યાર્થીઓની અછત તેમજ શાળાને ચલાવવા માટે પડી રહેલી આર્થિક મુશ્કેલીઓને ધ્યાને રાખીને સંચાલક મંડળે શિક્ષણ વિભાગને પત્ર લખીને તેમની શાળા જૂન મહિનાના નવા સત્રથી બંધ કરવાનો પત્ર પાઠવ્યો છે. વિદ્યાર્થીઓની સતત ગેરહાજરી અને શાળાનું વ્યવસ્થાપન ચલાવી શકાય તેટલા પ્રમાણમાં નાની અને મધ્યમ શાળાઓ બંધ થઈ રહી છે.

• જૂનાગઢની સરકાર માન્ય સનરાઇઝ પ્રાથમિક શાળા થશે બંધ
• ભાડાના મકાનમાં ચાલતી સનરાઇસ પ્રાથમિક શાળા આર્થિક રીતે નહી પહોંચી વળતાં સંચાલક મંડળે કર્યો નિર્ણય
• કોરોના સંક્રમણ કાળની અસરો શિક્ષણ બાદ શૈક્ષણિક સંસ્થાઓ પર પણ જોવા મળી

જૂનાગઢ: કોરોના સંક્રમણ કાળમાં એક પછી એક વિપરીત અસરો ધીમે-ધીમે સામે આવી રહી છે. જૂનાગઢમાં આવેલી સનરાઈઝ સરકાર માન્ય ખાનગી શાળા આગામી નવા સત્રથી બંધ કરવાનો નિર્ણય શાળા સંચાલક મંડળે કર્યો છે. જેની જાણ શિક્ષણ વિભાગની કચેરીને પણ કરી દેવામાં આવી છે. વિદ્યાર્થીઓની સતત ગેરહાજરી અને શાળાનું વ્યવસ્થાપન ચલાવી શકાય તેટલા પ્રમાણમાં નાની અને મધ્યમ શાળાઓ બંધ થઈ રહી છે. તો કેટલીક શાળા બંધ થવાની કગાર પર જોવા મળી રહી છે.

સનરાઈઝ પ્રાથમિક શાળામાં વિદ્યાર્થીઓની અછત

પાછલા એક વર્ષથી કોરોનાનું સંક્રમણ અજગરી ભરડો લઇ રહ્યું છે. જેમાં અનેક લોકોએ પોતાના જીવ ગુમાવ્યા છે. લાખોની સંખ્યામાં વ્યક્તિઓ બેરોજગાર બન્યા છે. હજારોની સંખ્યામાં રોજગારીનું સર્જન કરતી સંસ્થાઓ પણ મૃતપાય બની ગઈ છે. જૂનાગઢના જવાહર રોડ પર આવેલી સનરાઈઝ સરકાર માન્ય ખાનગી પ્રાથમિક શાળા વિદ્યાર્થીઓની અછત તેમજ શાળાને ચલાવવા માટે પડી રહેલી આર્થિક મુશ્કેલીઓને ધ્યાને રાખીને સંચાલક મંડળે શિક્ષણ વિભાગને પત્ર લખીને તેમની શાળા જૂન મહિનાના નવા સત્રથી બંધ કરવાનો પત્ર પાઠવ્યો છે. ત્યારે કોરોના કાળમાં શિક્ષણ બાદ હવે શૈક્ષણિક સંસ્થાઓ પણ બંધ થવા તરફ આગળ વધી રહી છે.

આ પણ વાંચો:કોરોના વાયરસનો કહેર ભારતમાં પણ, નોઇડાની સ્કૂલ બંધ

શાળા સંચાલક મંડળને ફીના રૂપમાં થતી આવક સંપૂર્ણ બંધ થઇ ગઇ

માર્ચ મહિનાથી શરૂ થયેલો કોરોના સંક્રમણ કાળ આજે એક વર્ષ પૂર્ણ કરવા જઈ રહ્યો છે. ત્યારે પાછલા એક વર્ષથી તમામ પ્રકારની શૈક્ષણિક કામગીરીઓ બંધ જોવા મળી હતી. તેવી પરિસ્થિતિમાં ખાસ કરીને ખાનગી, નાની અને મધ્યમ શાળાઓ અને તેના સંચાલકો વિદ્યાર્થીઓની સંખ્યા તેમજ વિદ્યાર્થીઓ દ્વારા આપવામાં આવતી ફી પર નિર્ધારિત હતી, પરંતુ કોરોના કારણે શાળાઓ બંધ થઈ જતા શાળા સંચાલક મંડળને ફીના રૂપમાં થતી આવક સંપૂર્ણ બંધ થઇ ગઇ હતી.

આ પણ વાંચો:નર્મદામાં નવા સત્રથી 166 સ્કૂલ બંધ, નાંદોદના ધારાસભ્યનો વિરોધ