પવિત્ર ઈદના દિવસે જૂનાગઢ ઈદગાહ મસ્જીદ સૂની પડી

સતત બીજા વર્ષે કોરોના સંક્રમણને કારણે જૂનાગઢમાં આવેલી ઈદગાહ મસ્જીદમાં જાહેર અને સામૂહિક નમાજ નહીં થાય. ગત વર્ષે પણ કોરોના સંક્રમણને કારણે જાહેર અને સાર્વજનિક રીતે રમઝાન ઇદની નમાજ બંધ રાખવામાં આવી હતી.

• કોરોના મહામારીને કારણે સૂની પડી જુનાગઢ ઈદગાહ મસ્જીદ
• ઈદની નમાઝ અદા કરવામાં નહીં આવે
• કોરોના ગાાઈડ લાઈનનું કરવામાં આવશે પાલન

જૂનાગઢ: કોરોના મહામારીને છે સતત 2 વર્ષથી તહેવારો ફિકા પડ્યા છે. કોરોના ગાઈડ લાઈન અને લોકડાઉનના કારણે મુસ્લિમ બિરાદરો આ વર્ષે પણ પવિત્ર ઈદનો તહેવૈાર નહીં ઉજવી શકે. દર વર્ષે જુનાગઢના ઈદગાહ મેદાનમાં ઈદના દિવસે સામુહિક નમાઝ અદા કરવામાં આવે છે પણ આ વર્ષે કોરોના ગાઈડલાઈનને કારણે નમાઝ મોકુફ રાખવામાં આવી છે. ગત વર્ષે પણ આ નમાઝ મોકુફ રાખવામાં આવી હતી.

આ પણ વાંચો : ઈદ દેશભરમાં કોરોનામાં ઉજવાઈ રહી છે

ઈદગાહ મસ્જિદ બિરાદરો વગર સુમસામ

ગત વર્ષે પણ કોરોના સંક્રમણને કારણે જુનાગઢની સૌથી મોટી ઈદગાહ મસ્જીદ સુમસામ જોવા મળતી હતી ત્યારે આ વર્ષે પણ કરોના સંક્રમણને કારણે પવિત્ર ઈદના તહેવાર પહેલા ઈદગાહ મસ્જીદ સુમસામ જોવા મળી રહી છે આજથી બે વર્ષ અગાઉ જ્યારે રમઝાન ઈદનો તહેવાર આવવાના દિવસો બાકી હોય ત્યારે જ ઈદની નમાઝ ને લઈને ઈદગાહ મસ્જીદ માં તૈયારીઓનો ધમધમાટ શરૂ કરી દેવામાં આવતો હોય છે