જૂનાગઢ: આજેે ભારતના પૂર્વ વડાપ્રધાન અટલ બિહારી વાજપેયીનો જન્મદિવસ (Atal Bihari Vajpayee's birthday) છે, 25 ડિસેમ્બર, 1924ના રોજ મધ્યપ્રદેશના ગ્વાલિયરમાં અટલ બિહારી વાજપેયીનો જન્મ (Birth Anniversary) થયો હતો. જે તે સમયે સાંસદ અને ત્યારબાદ નેતા વિપક્ષના પદ પર રહીને વાજપેયીજી 4 વખત જૂનાગઢની મુલાકાતે આવ્યા હતા. એક વખત તેઓ નેતા વિપક્ષ હતા તે સમયે પણ જુનાગઢની મુલાકાતે (Atal Bihari Vajpayee's visit to Junagadh)આવ્યા હતા, ત્યારે જૂનાગઢના અગ્રણી કરશનભાઈ પટેલને ત્યાં પૂર્વ વડાપ્રધાન અટલ બિહારી વાજપેયીએ કેટલોક સમય પસાર કરીને તેમને ત્યાં ભોજન ગ્રહણ કર્યુ હતુ. આજે પણ કરસનભાઈ વાજપેયીની આ મુલાકાતને વાગોળી રહ્યા છે. અને અટલબિહારી બાજપાઈ જેવા રાષ્ટ્રીય નેતા તેમને ત્યાં આવ્યા અને તેમની આગતા સ્વાગતા કરવાની જે તક મળી તેને આજે તેમના જન્મદિવસે મીઠી યાદો વાગોળી રહ્યા છે.
અટલ બિહારી વાજપેયીની જુનાગઢ મુલાકાતને વાગોળી રહ્યા છે કરસનભાઈ પટેલ
પૂર્વ વડાપ્રધાન અટલ બિહારી વાજપેયીનો આજેે જન્મદિવસ ભાજપના એક સમયના કદાવર નેતા અને જનસંઘથી ભાજપને સિંચન કરીને વટ વૃક્ષ સુધી પહોંચાડનાર કોઈ વ્યક્તિ હોય તો તે અટલ બિહારી વાજપેયી પૂર્વ વડાપ્રધાન અટલ બિહારી વાજપેયી પાયાના સંગઠનના કાર્યકર્તાઓ તરીકે કામ કરવાની શરૂઆત કરીને દુનિયાની સૌથી મોટી લોકશાહીમાં વડાપ્રધાન પદ સુધી પહોંચવાની જે સિદ્ધિ પ્રાપ્ત કરી છે, તે આજેે તેમના જન્મ દિવસે જૂનાગઢના તેમના સાથીઓ મીઠી યાદના સ્વરૂપમાં વાગોળી રહ્યા છે, આજેે તેમના જન્મદિવસે તેમના દ્વારા કરવામાં આવેલા કાર્યો તેમનો રમુજ સાથેનો ધિર ગંભીર સ્વભાવ અને સાચા રાજનેતાને આજે તેમની સાથે કામ કરી ચૂકેલા જુનાગઢના સાથીઓ અટલ બિહારી વાજપેયીને યાદ કરી રહ્યા છે.
અટલ બિહારી વાજપેયી 4 વખત જૂનાગઢની મુલાકાતે આવ્યા હતા