Presidential Election 2022: CM ભૂપેન્દ્ર પટેલ સહિત અનેક નેતાઓએ કર્યું મતદાન

રાષ્ટ્રપતિ પદની ચૂંટણી માટે આજે (સોમવારે) દેશભરમાં મતદાન (Presidential Election 2022) થશે. ત્યારે રાજ્યના મુખ્યપ્રધાન ભૂપેન્દ્ર પટેલે પણ (CM vote for Presidential Election 2022) ગાંધીનગરમાં મતદાન કર્યું હતું. તો આવો જાણીએ અન્ય કયા નેતાઓએ મતદાન કર્યું છે.

ગાંધીનગરઃ દેશભરમાં આજે (સોમવારે) રાષ્ટ્રપતિ પદની ચૂંટણી માટે મતદાન (Presidential Election 2022) શરૂ થઈ ગયું છે. રાજ્યના મુખ્યપ્રધાન ભૂપેન્દ્ર પટેલે પણ આ ચૂંટણીમાં પોતાનો મત (CM vote for Presidential Election 2022) આપ્યો હતો. સાથે જ શિક્ષણ પ્રધાન જિતુ વાઘાણી, આરોગ્ય પ્રધાન ઋષિકેશ પટેલ, પૂર્વ મુખ્યપ્રધાન વિજય રૂપાણી, પૂર્વ નાયબ મુખ્યપ્રધાન નીતિન પટેલ, ધારાસભ્ય મધુ શ્રીવાસ્તવ, વિપક્ષના નેતા સુખરામ રાઠવા, ધારાસભ્ય સી. જે. ચાવડાએ પણ મતદાન કર્યું હતું.

વિધાનસભા ખાતે વિશેષ વ્યવસ્થા - મહત્વનું છે કે, દેશના 15મા રાષ્ટ્રપતિ માટે આજે મતદાન (Presidential Election 2022) થઈ રહ્યું છે. NDA તરફથી રાષ્ટ્રપતિ પદ માટેના ઉમેદવાર દ્રોપદી મુર્મુ છે. જ્યારે વિપક્ષ તરફથી રાષ્ટ્રપતિ પદ માટેના ઉમેદવાર યશવંત સિન્હા છે. તેવામાં ગુજરાત વિધાનસભા ખાતે ધારાસભ્યોના મતદાન માટે વિશેષ વ્યવસ્થા કરવામાં આવી છે. અહીં બેલેટ પેપરના માધ્યમથી ધારાસભ્યો મતદાન કરશે. ગુજરાતમાંથી રાષ્ટ્રપતિ પદ માટેની ચૂંટણીમાં 178 ધારાસભ્યો મતદાન કરવાના છે.

રાષ્ટ્રપતિ પદની ચૂંટણી માટે આજે મતદાન

ચૂંટણી પંચની પેનથી જ કરી શકાશે મતદાન -રાષ્ટ્રપતિની ચૂંટણીમાં મતદાન કરવા માટે ચૂંટણી પંચે જે પેન આપી છે. તે જ પેનથી મતદાન કરવું ફરજિયાત છે. જો અન્ય પેનથી મતદાન કરાશે તો તે મદ રદબાતલ ગણાશે. આ માટે તમામ તમામ ધારાસભ્યોને ચૂંટણી પંચે સૂચના આપી છે. મતદાન કેન્દ્ર ઉપર સૂચના પણ સ્પષ્ટ રીતે લખવામાં આવી છે. જ્યારે ગુજરાત વિધાનસભાના સંકુલમાં યોજાનારી રાષ્ટ્રપતિની ચૂંટણીમાં રાજ્યસભા કે લોકસભાના એક પણ સાંસદો મતદાન નહીં કરે.

સાંસદો અહીં નહીં કરી શકે મતદાન - ગુજરાત વિધાનસભાના શાસક પક્ષના દંડક પંકજ દેસાઈએ (Pankaj Desai Leader of Gujarat Legislative Assembly) ખાસ વાતચીતમાં જણાવ્યું હતું કે, ગુજરાતમાં વિધાનસભા ખાતે યોજાનારી મતદાન પ્રક્રિયામાં ફક્ત ધારાસભ્યો જ મતદાન કરશે. જ્યારે લોકસભા અને રાજ્યસભાના સાંસદો દિલ્હી ખાતે મતદાન કરશે અને ગુજરાતમાં મતદાન કરશે. તો આવી કોઈ પણ પ્રકારની અગાઉથી સૂચના આવી નથી, જેથી તમામ સાંસદો દિલ્હી ખાતે જ મતદાન કરશે. જ્યારે ભાજપના 111, કૉંગ્રેસના 63 ધારાસભ્યો, NCPના 1, BTPના 2 અને અપક્ષ ધારાસભ્ય આજે (સોમવારે) મતદાન કરશે. આ ઉપરાંત 4 બેઠક ખાલી છે. આમ, 182માંથી ફક્ત 178 ધારાસભ્યો મતદાન કરશે.

આ પણ વાંચો-સુરતની ભાવિકાએ દ્રોપદી મુર્મુ પર પુસ્તક બનાવી સોનિયા ગાંધી-મમતા બેનર્જીને મોકલી

ગુજરાત ધારાસભ્યોના મતનું મૂલ્ય -ગુજરાતના ધારાસભ્યના મતના મૂલ્યોની વાત કરીએ તો, આ બાબતે પંકજ દેસાઈએ વધુમાં જણાવ્યું હતું કે, વર્ષ 1971ની જન સંખ્યામાં 1,000 સાથે ગુણાકાર કરવામાં આવે છે અને જે સંખ્યા આવે તેમાં 182થી ભાગાકાર કરવામાં આવે છે. આમ, ગુજરાતના ધારાસભ્યનું મૂલ્ય કુલ 147 થાય છે. જ્યારે મત મૂલ્યમાં હજુ પણ વર્ષ 1971માં કરાયેલી જનસંખ્યાનો આંકડા માન્ય રાખવામાં આવે છે. જ્યારે એ રાજ્યસભાના અને લોકસભાના સાંસદના મતનો મૂલ્ય કુલ દેશની સંખ્યા સાથે ભાગાકાર કરવામાં આવે છે.

આ પણ વાંચો-રાષ્ટ્રપતિની ચૂંટણી માટે TMCએ BJPના ધારાસભ્યોને હોટલમાં રાખવા પર માર્યો ટોણો, કહ્યું...

પોલીસ બંદોબસ્ત સાથે મતપેટીઓ દિલ્હી જશે -આજ રોજ ગુજરાત વિધાનસભા ખાતે રાષ્ટ્રપતિની ચૂંટણી માટે મતદાન પૂર્ણ થયા પછી પોલીસના ચુસ્ત બંદોબસ્ત વચ્ચે મતદાન પેટી ગુજરાત વિધાનસભાથી અમદાવાદ એરપોર્ટ પર ખાસ વિમાનમાં લઈ જવામાં આવશે. જ્યારે મતપેટી માટે પણ વિમાનમાં સિટ બૂક કરવામાં આવી છે. જ્યારે આ પ્રક્રિયાને મુખ્ય હેતુ એ છે કે, મતપેટીને કોઈ પણ પ્રકારનું નુકસાન ન થાય. તે રીતે દિલ્હી લઈ જવામાં આવશે અને ત્યારબાદ મત ગણતરી પ્રક્રિયા શરૂ કરવામાં આવશે.

કૉંગ્રેસ ધારાસભ્ય નહીં કરે ક્રોસ વોટિંગ - ગુજરાત વિધાનસભા ખાતે વિપક્ષના ધારાસભ્યો પણ વિપક્ષના રાષ્ટ્રપતિ પદના ઉમેદવાર યશવંત સિન્હાનું સમર્થન આપવા મતદાન કરવા પહોંચ્યા હતા. અહીં વિપક્ષ નેતા સુખરામ રાઠવાની ચેમ્બરમાં બધા ધારાસભ્યો ભેગા થયા હતા. સાથે જ કૉંગ્રેસના એક પણ ધારાસભ્ય ક્રોસ વોટિંગ નહીં કરે તેવી આશા વ્યક્ત કરવામાં આવી હતી.