- સવારે 7 વાગ્યાથી સાંજના 6 કલાક સુધી યોજાશે મતદાન
- ભાજપ, કોંગ્રેસ અને આપ પાર્ટી વચ્ચે જામશે જંગ
- વડાપ્રધાન મોદીના માતા હીરાબા પણ કરશે મતદાન
ગાંધીનગર : ગાંધીનગર મ્યુનિસિપલ કોર્પોરેશનની સામાન્ય ચૂંટણી(Gandhinagar Municipal Corporation 2021) 3 ઓક્ટોબરના રોજ યોજાઈ રહી છે, ત્યારે સ્થાનિક તંત્ર દ્વારા તમામ તૈયારીઓ પૂર્ણ કરી દેવામાં આવી છે. ગાંધીનગર મ્યુનિસિપલ કોર્પોરેશનની ચૂંટણીમાં કુલ 11 વોર્ડમાં 154 જેટલા ઉમેદવારો ચૂંટણીના મેદાનમાં ઉતર્યા છે, ત્યારે રવિવારે સવારે 7:00 થી સાંજના 06:00 સુધી મતદાન પ્રક્રિયા હાથ ધરવામાં આવશે. આ સાથે જ દેશના વડાપ્રધાન નરેન્દ્ર મોદી (PM Narendra Modi)ના માતા હીરાબાએ પણ કલાકે મતદાન કરવા જશે.
વડાપ્રધાનના માતા હીરાબા કરશે મતદાન
ગાંધીનગર મ્યુનિસિપલ કોર્પોરેશનની ચૂંટણીમાં વડાપ્રધાન નરેન્દ્ર મોદીના માતા હીરાબા પણ 99 વર્ષની ઉંમરે મતદાન આપવા આવશે, તેઓ પરિવાર સાથે સવારે 9:30 કલાકે રાયસન પેટ્રોલ પંપની પાછળ આવેલી વાડીભાઈ વિદ્યા સંકુલની પ્રાથમિક શાળામાં મતદાન કરશે.
5 તારીખે મતદાન ગણતરી થશે